artMoniom: Hestivau Murau Olistic e Land Art ena Val d'Aran
Era associacion Gatalheues de Lum, creadors der hestivau Hemnes en acostic, presente ua naua propòsta artistica d'art murau urban ena Val d'Aran 'artMoniom: Hestivau Murau Olistic e Land Art' que vò portar er art urban ena escòla, entot implicar as joeni e bastir ua identitat culturau contemporanèa.
Dates e lòc dera actuacion
Aguest ei un projècte d'educacion cultural que s'harà enes mesi d'abriu e mai de 2026 e que s'alongarà en cors 2027. Ath delà deth 8 ath 24 de mai, se presentaràn es muraus creadi entre es escolars, era mediadora e es artistes convidadi en diferenti centres educatius de la Vall d'Aran: es tres Escòles dera Z.E.R. ARAN (Salardú, Arties e Es Bòrdes) e en Institut d'Aran de Vielha, damb es alumnes de 4au d'ESO. E pendent eth fin de setmana, entre es dies 22 e 24 se presentarà er Hestivau ArtMoniom damb un programa encara per definir.
Es punts destacadi a on s'haràn es intervencion seràn d'un costat ena pista exterior der Institut d'Aran, en Vielha, damb un gran murau participatiu liderat per Aleix Font Arroyo, seleccionat coma artista guanhador dera convocatòria.
En cas deth trabalh en Institut d'Aran, era paleta de colors s'està creant damb es alumnes segons er ambient e es atmosfères de la Val d'Aran.
Der aute costat, e conduïts per artista convidat Swen, es actuacions s'haràn enes murs dera piscina de Salardú, enes parets dera escòla d'Es Bòrdes e fin finau enes veires dera Sala Polivalenta d'Arties.
Objectiu
Er objectiu ei implicar as joeni enes procèssi creatius, fomentar era collaboracion e bastir un modèu d'educacion artistica comunitària que pogue arribar, en futur, ara creacion d'un bachelierat artistic ena Val d'Aran.
Eth projècte 'artMoniom: Hestivau Murau Olistic e Land Art' ei dessenhat e impulsat per B-Murals Centre d'Art Urbà de Barcelona, en collaboracion damb era Associacion Gatalheues de Lum, e compde damb eth supòrt e ua subvencion deth Departament de Cultura dera Generalitat de Catalunya de 28.000 euros entà cadua des actuacions previstes enes escòles dera ZER val d'Aran e en Institut d'Aran