Er horn Codina e Refu guanhen prèmis peth sòn pan sostenible e pes cerveses

Enguan eth projècte Refu e era sua fabrica alternativa de cervesa plaçada en Bossòst complissen 15 ans. 

Ara vien d'èster doblement guardonadi per tres des sues bières e peth pan qu'a hèt er Horn Codina, en obrador de Vielha, damb eth bagàs o bagassa, que son es rèstes que demoren dempús de crear aguesta beguda.

Qu'ei eth bagàs?

Aguest ei eth nòm que recèp eth subproducte dera fabricacion dera cervesa. Son es rèstes deth malt dempús de qu'eth midon s'age convertit en sucres dempús dera maceracion. Un producte plen de fibra damb un gust a escares e malt. 

Hè un an, David Serrano (Refu) e Jose Miguel Codina (Horn Codina) se trobauen e se proposèren de hèr un pan de qualitat damb aguest producte qu'enquia alavetz sonque se hège a servir coma complement tà neurir es vaques d'un ramadèr de Bossòst. 

Prèmis

Damb aguest pan creat per Horn Codina en obrador de Vielha, se barre eth cercle, ei eth pan que hèn a servir ena birreria deth Refu en Vielha tàs entrepans e açò les a hèt a gunahar eth prèmi ath milhor producte sostenible ena Fira Origens d'Olot. 

Des bières que gessen d'aguest bagàs, n'an gescut es tres qu'an estat premiades en 11au campeonat de cerveces estatau. An guanhat es medalhes d'Òr, Plata e bronze ena categoria BRITISH ALE, damb es varietats Legzira, 20 menutes e era Huxley.