Era Val d'Aran celèbre era Setmana dera Natura damb activitats ambientaus
Era Associacion Aran pera Natura organize diuèrses prepauses tà conscienciar sus era importància de preservar era natura
Deth 22 de mai ath 5 de junh era Val d'Aran se hig ara Setmana dera natura damb diuèrses activitats de sensibilizacion ambientau e proteccion deth miei naturau. Era Associacion Aran pera Natura impulse pendent aguesti dies diferentes propòstes divulgatives entà apropar era biodiversitat aranesa ara ciutadania.
Activitats entà grani e petiti
Era iniciativa vò conscienciar sus era importància de preservar era natura e fomentar un major compromís damb eth territòri e eth miei ambient e entad acrò s'an programat 9 activitats
- anerament d'audèths
- bastiment de minjadores tà audèths
- cercant çò qu'ei invisible, es artropòdes
- detectius dera natura: talhèr de rastres
- deth plat ath lienç: tintures naturaus
- entre er aigua e era tèrra: es amfibis
- era vida qu'amague er arriu
- mision clorofila
- seguiment de fauna