Eth Dia Internacional deth Biatlòn arribe ena Val d'Aran

Eth darrèr cap de setmana de mai se celèbre en tot eth mon eth dia internacionau deth biathlòn. Ei ua jornada impulsada pera International Biathlon Union entà apropar aguest espòrt ara gent, sustot as mainatges, joeni e familhes. 

Hè part deth programa "Biathlon 4 All", qu'a coma objectiu hèr créisher aguest espòrt en paísi a on encara ei emergent. Era jornada combine activitats ludicoesportiues, circuits, pròves de tir damb carabines làser e demostracions entà dar a conéisher ua disciplina qu'amasse resisténcia e precision. 

Activitats en ua trentia de federacions de tot eth mon. 

En Espanha era jornada, que er an passat se hèc en Jaca (Huesca), s'harà enguan ena Val d'Aran, concretament en parcatge des militars de Vielha dera man deth CAEI e era RFEDI. Era activitat vò apropar aguest espòrt as joeni aranesi e mostrar es possibilitats d'ua disciplina restacada ath mon dera nhèu e dera montanha. 
Es participants poderàn provar circuits esportius e exercicis de tir damb carabines làser, en un format segur e pensat entà totes es edats. Era iniciativa seguís era linha d'autes jornades promocionaus qu'era RFEDI impulse en diferents punts der Estat entà dar visibilitat ath biatlòn e captar naui practicants.

N'auem parlat damb Marcos España membre dera junta deth CAEI e vocal de hons e damb Juli Sala responsable de desvolopament espoprtiu ena RFEDI. 

Com explique er esportista paralimpic Higinio Rivero aguest ei un espòrt 'que enganche'

Aguesta sason d'iuèrn passada, un aranés, Biel Gonzalez Fuentes, s'a estreat coma integrant dera equipa de tecnificacion dera FADI (Federacion Aragonsa de Deportes de Invierno) e ja a disputat eth Mondiau Junior.