May Peus president dera RFEDI: 'Classificar-se tàs Jòcs Olimpics ei molt dificil'
Eth Comité Olimpic Espanhòl, COE, presentaue dies en darrèr ua lista damb 20 esportistes entà representar a Espanha enes Jòcs Olímpics de Milano-Cortina 2026 que se disputaràn deth 6 ath 22 hereuèr en Itàlia.
D'aguesti 20 deportistes, 9 son dera Federacion d'Espòrts d'Iuèrn, RFEDI, 7 dera Federacion d'Espòrts de Gèu, RFEDH, e 4 dera Federacion de Montanha, FEDME, damb er eskimo que s'estree en uns jòcs d'iuèrn.
Aguesta delegacion, damb 11 esportistes catalans, ei era mès grana que se presente a un jòcs e iguale ara que se presentaue en Sochi en 2014.
Espòrts d'iuèrn
Era d'espòrts d'iuèrn ei era mès nombrosa damb 4 representants en surf de nhèu, Queralt Castellet, Nora Cornell, Lucas Eguibar e Alvaro Romero. 3 ac haràn en esqui de hons, Jaume Pueyo, Bernat Sellés e Marc Colell e 2 en esqui aupin Quim Salarich e Arrieta Rodriguez (formada en CEVA).
En aguest sens eth president dera RFEDI May Peus a explicat en programa 'Eth maitin d'Aran' que:
En espòrts d'iuèrn portam ua expedicion fòrta e competitiva. Cau méter en valor lo dificil qu'ei classificar-se, en Sochi podiem portar 4 esportistes per modalitat, ara sonque i van es milhors deth mon
Ua lista dera que an demorat dehòra esportistes deth nivèu d'Albert Ortega, Javier Lliso, Imanol Rojo, Thibault Magnin, Aleix Aubert, Ander Mintegui (per lesion) o Juan del Campo a despiet des boni resultats que bèri uns d'èri an artenhut aguesta sason.
Espòrts de gèu
En espòrts de gèu era delegacion espanhòla ei integrada per 7 esportistes. Nil Lllop e Daniel Milagros en patinatge de velocitat, Tomás Guarino en patinatge artistic individuau e es parelhes formades per Tim Dieck e Olivia Smart e Asaf Kazimov e Sofía Val en dança ritmica.
Esqui de Montanha
Es 4 esportistes restants en esqui de montanha, qu'enguan s'estree com a espòrt olimpic. Oriol Cardona, Ana Alonso, Ot Ferrer e Maria Costa.
Es banderèrs ena cerimònia inaugurau que seràn Quim Salarich e Olivia Smart.