Pedals de Foc Non Stop celèbre 20 ans coma referent en ultramaratons BTT
Era Pedals de Foc Non Stop celèbre vint ans d'istòria enes qu'a passat d'èster un projècte fòrça ambiciós a convertir-se en un referent des ultramaratons de bicicleta de montanha. En aguestes dues decades, era pròva a estat pionèra en fòrça aspèctes, a acuelhut campionats nacionaus, estataus e europèus e a contribuït a projectar ath mon era Val d'Aran e er entorn deth Parc Nacional d'Aigüestortes i Estany de Sant Maurici.
Origens
Neishuida en 2006, era Pedals de Fòc Non Stop s'a convertit en ua referéncia internacionau dera BTT de resisténcia. Eth sòn recorrut trauèsse quate comarques deth pirenèu de Lhèida, Val d'Aran, Nauta Ribagòrça, e es dus Palhars, Jussà e Sobirà, en tot combinar exigéncia esportiua e paisatges de nauta montanha. Vint ans dempús dera prumèra edicion, era corsa arribe ara cita de 2026 consolidada coma un des grans esdeveniments ciclistes deth Pirenèu.
Reconeishements
D'uns ans ença era organizacion autrege es distincions "Pedals de Legenda", que reconeishen as participants qu'an completat cinc, dètz, quinze o mès edicions dera pròva. Diego Fuentes Iglesias, ei er unic que les ha hèt totes, e enguan tornarà a èster ena linha de gessuda. Tanpòc i mancarà Llibert Mill eth gran dominador dera pròva damb un totau de 9 victòries
Enguan era distincion de Pedals de Legenda d'Aunor ei entà Carros de Foc, era propòsta que inspirèc aguesta aventura
Candidats ara victòria
Entre es participants dera Pedals de Foc Non Stop trobam nòms com eth de Llibert Mill que damb 9 victòries ei eth que mès n'a guanhat entot inclodir un campeonat de Catalonha e un campeonat d'Euròpa. Qui tanben serà ena linha de gessuda ei Brandan Marquez damb 4 victòries absolutes, veiram s'apareishen naui candidats com eth portugués Bruno Rosa. Se parlam d'hemnes auem a Anna Bello guanhadora en 2024 e segona en 2025.
Seguiment en dirècte
Per prumèr còp enes 20 ans d'istòria, se poderà seguir era corsa en streaming en canau de Youtube dera Pedals de Foc Non Stop damb camera bikers, drones, e es comentaris de José Antonio Hermida, José Badia e Eva Cortijo, e era realizacion de ZIMA. A compdar des 9 deth maitin de dissabte enquiara arribada ena meta dera prumèra clasificada dera modalitat or.