Demoram "Barrar damb nòta", era sason 2025-2026

"Barrar damb nòta",  atau de contundent e esperançat se mòstre eth director comerciau de Baqueira Beret,  Xavi Ubeira, quan era estacion afronte es darrèri dies dera sason d'esquí .

Ua sason que s'a caracterizat, per nheuades soentejades qu' an acantierat boni celhs que encara se mantien en toti es airaus .

A  despiet qu' enguan  fòrça d'aguesti temporaus  de nhèu e vent an coïncidit enes dimenjades, çò que a reduït era afluéncia de esquiadors, era milhora deth temps aguest mes de març, damb temperatures mès  doces e dies  soleiadi , ac a compensat e son fòrça es aficionadi ar espòrt blanc ,es qu' an escuelhut es darrèri dies dera sason entà esquiar.

Ei eth cas de Francisco Arias que ven de Tenerife, 

Non auia vengut jamès tant tard ena sason, e m'a agradat fòrça : era nhèu, pòga gent, bon temps...era vertat ei que ei geniau

As pòrtes dera Setmana Santa, Baqueira, Beret, Bonaigua e Bacivèr, aufrissen unes bones condicions. Es celhs supèren eth mètre e miei e s'es condicions meteorologiques acompanhen, se prevee ua nauta ocupacion entàs principaus dies de hèsta de dijaus sant a dimenge de Pasca, com auance , Xavi Ubeira:

Es condicions son bones, demoram un shinhau mès de nhèu aguesta setmana e s'era gent s'anime, pensi que serà una bona setmana santa tà barrar ua  grana sason  , perque segur  que es numeròs seran molt boni

Baqueira Beret barrarà eth 6 d'abriu, deluns de Pasca.  Comence un periòde de vacances mereishudes entàs trebalhadors e trebalhadores, que tornaràn tara faena a finaus de mai.  Alavetz, ja  s'auràn decidit es inversions entad aguest estiu, un viatge  hèt eth recompde des forfets venudi. Un recompde que se demore , que sigue  semblant ath des darrères sasons  e se torne a superar eth milion d'esquiadors .

Sonque alavetz, ei quan se poirà confirmar , qu' an "barrat damb nòta".