Eth laboratòri d'analisis cliniques der Espitau Val d'Aran se modernize

Eth laboratòri d'analisis  cliniques der Espitau Val d'Aran compde damb dus naui equips d'inmunoquimica . Naues mashines, que faciliten eth trebalh deth personau tecnic , milhoren era eficiéncia e era  rapidesa ,e reduïssen era derivacion des mòstres entath Laboratori  de referéncia, placat a 300 quilomètres de distància, com explique era cap deth servici Anna Padrós:

Son mashines mès rapides e mès segures que mos permeten , s' ua s'espatle trebalhar damb era auta , e mos estauvie d'auer d'enviar es mòstres entà d'auti laboratòris

Damb era incorporacion des naui equips  s'a hèt una redistribucion der espaci de trebalh  qu' a permetut ampliar er airau de preanalitica.  En  laboratòri se pòden procesar totes es mòstres basiques, es analitiques mès comunes. Es resultats pòden èster a disposicion deth professionaus medics en un temps relativament cuert.

Er auanç dera tecnologia e era robotica tanben contribuís a garantir era seguretat deth procès,  perque reduís era manipulacion des mòstres per part des tecnics.

Era mòstra arribe ena mashina que de forma automatica verifique que sigue ben, que non i age arren que pogue interferir enes resultats... Dempús barrege ua petita part d'aguesta mòstra damb eth reactiu e passat eth temps de demora , lieg es resultats que s'envien ath sistèma informatic , de manèra que en tot eth procès i a era minima manipulacion manuau

Eth Laboratori  de Vielha, forme part der Hilat de Diagnostic Biomedicau e entara Imatge, DIBI, que amasse un quinzenat de laboratoris d'analisis cliniques de diferenti espitaus publics de Catalunya e eth  laboratòri centrau Mas Blau en Prat de Llobregat qu' ei a on i a es especialistes que dan supòrt ena validacion finau  de resultats des analitiques de sang mès complèxes o tecniques  de microbiologia.