Vielha
Fecsa Endesa met en foncionament un nau transformador ena subestacion de Vielha
Eth nau transformador qu'era empresa Fecsa Endesa a plaçat ena subestacion de Vielha ja ei en foncionament. Eth nau Trafo com se coneish aguest aparelh en argòt des trebalhadors deth sector s'a installat en un mes e miei, un temps recòrd se s'a en compde que normaument se trigue entre 3 e 4 mesi. Eth transformador damb capacitat de 40.000 quilowats a de garantir eth subministrament electric en cas que se produisque ua auta panna ena subestacion d'Arties, que ei era que hè arribar era lum en Naut e Miei Aran.
05/03/2004 - 00.00 Actualitzat 12/03/2004 - 10.44
Eth nau transformador, considerat de resèrva ei conectat ara linha de nauta tension de 110.000 volts. Atau se era centrau se auesse d'arturar per quinsevolh causa, era lum arribarie igualment enes cases. Ath delà des subestacions de Vielha e Arties, Fecsa Endesa compde damb dues subestacions mès petites enes centraus de Bossòst de Pònt de Rei que subministren eth Baish Aran. Entà finaus d'an poirie entrar en foncionament iauta subestacion en Baqueira. Eth plaçament deth nau trasnformador de Vielha ei totun provisionau, en acabar era sason d'esquí, quan baishe eth consum d'electricitat, eth transformador se traslladarà ar aute cant dera dera centrau, en lòc que aucupen uns vielhs magasèms.
Avui és notícia
Unes bengales, principal hipòtesi de l'incendi en una estació d'esquí suïssa: què sabem i què no
Una "rave" a la Sénia aplega un miler de persones des de la nit de Cap d'Any
Deu novetats fiscals del 2026: del Bizum als 340 euros de deducció als sous més baixos
Govern i ajuntaments encarrilen la reforma del finançament local
Què cal saber per deixar de fumar amb èxit: "Tenim més eines que mai"