Ovihuec, ua aventura de nauta montanha

Investigadores , tecniques e responsables de comunicacion der IRTA s'an desplaçat per totes escòles  e er Institut d'Aran  entà explicar eth projecte Ovihuec.dat

Damb era projecccion de videos , es alumnes an coneishut era composicion deth ramat de titolaritat publica, es caracteristiques dera oelha aranesa e ripolhesa e dera craba florida, e es auantatges dera ramaderia extensiua ,entar reduir eth perilh de huecs e mantíer er entorn. 

Tanben an aprenut  eth foncionament des colièrs de seguiment damb GPS o des barratges virtuaus , naues tecnologies entà facilitar eth trebalh des pastors.

E toti aguesti aspèctes son es que recuelh  "Ovihuec , ua aventura de nauta montanha", eth còmic qu' explique era istòria de dus frairs de Barcelona ,Ariadna e Jòrdi que passen uns dies de vacances en Vilamòs.

Damb eri, era mainadèra e es adolescents, com auance Ariadna Ferrer, comunicadora e divulgadora scientifica der IRTA, descorbiran eth dia a dia d' un ramadèr e era vida en un pòble.

 Eth còmic ei dirigit a un public adolescent , perque pensam qu'ei ua bona manèra e ua forma atractiua d' apropar-les ara ramaderia , ua activitat ara que dilhèu pòden dedicar-se en un futur 

Eth còmic s'a repartit en toti es centres d'Aran , en aranés, mès er objectiu ei de hèr-le arribar en d'auti  centres de Catalunya