Eth Black Mountain complís 10 ans

Era presentacion, en Vielha ,  dera darrèra novèlla der escrivan José Luís Muñoz, "LIBERTAT, Una epopeya americana", ei er acte que servic com punt de gessuda dera 10au. edicion deth Black Mountain 2026. 

Impulsor e comissari d'aguest Hestivau culturau, que enguan se traslade entà Vielha, centre era sua darrèra òbra enes Estats Units

Ei ua novèlla nera, tanben ei ua novèlla de viatges e que critique ara societat nòrd-americana, qu' ei era qu' a votat a Donald Trump coma president des Estats Units.

Es libreries de Vielha: Eterna e Era Alquimia, e eth Parador  seran escenaris dera presentacion de libres, debats e taules redones programadi en Hestivau.

Comencèc com un hestivau centrat ena novèlla nera, mès ara s'a anat ampliant, e ara auem novèlla istorica, auem memòries, mès tanben novèlla d'umor...e fòrça important tanben ei ethcinèma,damb ethcicle d'Stanley Kubrick,e era projeccion des sues pellicules mès representatiues.

En ajuntament se liuraran es prèmis Trajectòria e eth " Fernando Marias", entath que enguan s'an presentat lèu 90 autors, com explique era escrivana e tanben comissària,  Lluna Vicens, 

Es autors que participen en concurs Fernando Marias, an de presentar eth libre publicat. Toti aguesti exemplars, er Hestivau les ac regale ara Bibliotèca de Vielha. Aquerò vò díder que cada an era bibliotèca receberà ua quantitat de libres e jamès seràn repetidi.

Eth Black Mountain  comence eth 27 d'abriu e acabarà eth dimenge 3 de mai