millors moments

Durada: 55 min

Rememoram es milhors moments AranVision, eth concors musicau en aranés qu'a estat un èxit de participacion e de public ena sua prumèra edicion.

Durada: 12 min

Parlam damb es protagonistes d'aguest acte, es persones encargades de descaperar, cadun des retrats. Sigueren Jusep e Mireia Boya, per part dera sua mair, Maria Pilar Busquet, prumèra sindica d'Aran en 1991; Amparo Serrano, qui la succeïe en carge; es hilhes de Carlos Barrera, sindic d'Aran pendent 20 ans (en dues etapes), e Paco Boya, sindic ena legislatura de 2007 a 2011 e posteriorament a compdar de 2019 e pendent un shinhau mès de miei mandat.

Durada: 34 min

Aué dia dera Hèsta d'Aran vos aufrim un reportatge especiau sus era istòria deth nòste país. Era escala nòble dera sedença deth Conselh Generau en Vielha acuelh a compdar d'aué es retrats des sindics e sindiques qu'an presidit eth Conselh Generau pendent era etapa democratica. Mès tanben, s'a plaçat un quadre damb era cronologia des sindics -aqueri des que a dia d'aué ne sabem es nòms- que l'an presidit enquiath 1834, an en qué era maxima institucion aranesa siguec suprimida. Aprofitant aguesta escadença, vos convidam en aguest viatge ath long deth temps, dera man d'un des grani coneishedors dera istoria d'aguest país, Arturo Calbetó. Un viatge pera istòria dera maxima institucion d'Aran a trauèrs d'aqueri que l'an entestat. A continuacion,... Síndics e Sindiques d'Aran

Durada: 1 min

Eth jòc des paraules d'Eth maitin d'Aran dER Ostiu'. Cada 15 dies ua naua paraula perduda. Es responses, per corrèu electronic o per WhatsApp.

Durada: 17 min

Era Val d'Aran acuelh aguesti dies 14 e 15 de junh era 6au edicion deth RaidAran, ua pròva damb 6 modalitats d'espòrts d'aventura enes que era forma fisica e mentau des que i participen ei important, com tanben n'ei eth trebalh en equip. Era cita que se hè cada dus ans acuelherà en 2027 eth Campeonat d'Euròpa dera especialitat.

Durada: 11 min

Eth Conselh Generau d'Aran a distingit er esquiador Aymar Navarro Combaliè damb eth Prèmi 17 de Junh entot considerar qu'a estat un esportista referent ena modalitat deth freeride e un embaishador qu'a plaçat era Val d'Aran en encastre internacionau. Er autejament s'harà pendent er acte institucionau dera Hèsta d'Aran.

Durada: 21 min

Eth grop de teatre Era Cabana de Les presenten es dies 19, 20, 21 e 22 de junh era naua òbra, "Auem un problèma sus era taula". Un detzeat d'actors e actritzes interprèten en escenari es personatges creadi per Manuela Ané. Era autora, que ath delà n'ei era directora e Joan Carabias, an passat peth programa.

Durada: 32 min

Ena Val d'Aran, eth desastre de Blatten, enes alps suïssi, a on eth pòble a demorat acogat pera hanga, peires, nhèu e gèu deth glacièr Birch, non mos a de hèr pèrder era sòn, mès mos a de méter en alèrta enes lòcs de montanha, segons eth geològ Jordi Gavaldà. E tà previer maus, era milhor opcion ei èster atents e susvelhar, e açò ei possible gràcies ara tecnologia que aufrissen empreses com Arantech Enginering, que dirigís Eisharc Jaquet.

Durada: 4 min

Eth jòc des paraules d'"Eth maitin d'Aran". Cada setmana ua naua paraula perduda. Es responses, per corrèu electronic o per WhatsApp. El joc de les paraules d'''Eth maitin d'Aran'. Cada setmana una nova paraula perduda. Les respostes, per correu electrònic o per WhatsApp.

Durada: 17 min

Eth club de natacion Aran Swim Team lèu complirà 8 ans mès aguest espòrt se practique de manèra regulara ena Val d'Aran gràcies ara dubèrtura lèu harà 31 ans dera piscina cubèrta deth Palai de Gèu de Vielha. Er aprenentatge se combine damb era competicion ena piscina e tanben ena mar damb es pròves d'aigues dubèrtes. Aguesti dies barrauen era sason de piscina cubèrta damb ua plata ena finau des JEEC en Igualada.

Durada: 7 min

Ua reflexion setmanau ath torn dera lengua dera man de Jusèp Loís Sans. Ei 'En Cimalh dera lengua nòsta', un article d'opinion que podetz escotar es dijaus en 'Eth maitin d'Aran' e lieger eth dimenge en diari La Mañana.

Durada: 26 min

Aguest dimenge un centeat de mainades e mainatges participaràn en Palai de gèu ena gala de finau de cors dera escòla de patinatge. Damb açò se barre eth cors escolar e eth calendari de competicions mès en aguest mes de junh era activitat que seguirà damb dues propòstes de fòrça nivèu dera man de Kiril Jaliavin e Javier Fernandez que seràn ena pista aranesa damb ua master class eth prumèr e un stage de tecnificacion eth dusau. De tot açò n'auem parlat damb Natalie Pardos entrenadora dera Escòla de patinatge deth Palai de Gèu.

Durada: 29 min

Miguel Pineda Piston presente entre eth 18 e eth 22 de junh ua naua edicion, era ueitau, deth musicau que cada an estree en Vielha. 'Era Mansion des Arans' conde era istòria d'ua familha que demore isolada dera rèsta dera societat e que consèrve ua lengua que s'a deishat de parlar en sòn territòri. Ne parlam en aguesta entrevista damb eth sòn director e dus des personatges deth musicau.

Durada: 24 min

En libre 'La cuina de Lleida, la Vall d'Aran i La Franja', Jaume Fàbrega, gastrònom de referéncia, hè un recorregut pera codina e es productes des terres de Ponent entot presentar mès d'un centeat de receptes. Damb er autor auem parlat dera codina e des minjars mès emblematics de casa nòsta. Eth libre ei editat per Viena Edicions.

Durada: 3 min

Eth jòc des paraules d'"Eth maitin d'Aran". Cada setmana ua naua paraula perduda. Es responses, per corrèu electronic o per WhatsApp. El joc de les paraules d'''Eth maitin d'Aran'. Cada setmana una nova paraula perduda. Les respostes, per correu electrònic o per WhatsApp.

Durada: 16 min

Er Ajuntament de Vielha a suspenut pendent un an er autrejament de licéncies d'abitatges d'usatge toristic. Maugrat que ja disposaue d'ua normatiua fòrça restrictiva, ara vò adaptar-la ara dera Generalitat, e preve limitar-les encara mès.

Durada: 7 min

Ua reflexion setmanau ath torn dera lengua dera man de Jusèp Loís Sans. Ei 'En Cimalh dera lengua nòsta', un article d'opinion que podetz escotar es dijaus en 'Eth maitin d'Aran' e lieger eth dimenge en diari La Mañana.

Durada: 33 min

Era RFEDi reconeishie, ena darrèra assemblada generau, a asociacions e esportistes qu'an impulsat es espòrts d'iuèrn en aguest país com Jesus Serra e Aymar Navarro. Damb eth president May Peus, parlam d'aguesta assemblada que aprovaue un pressupòst de 6,4 milions euros tara sason 25/26 damb es Jòcs Olimpics e Paralimpics de Milano Cortina. Tanben parlam deth futur, pr'amor que encete eth darrèr an de mandat ena tresau legislatura ath capdeuant d'aguesta federacion.

Durada: 40 min

Eth baile de Les, Andreu Cortés, a passat aué peth maitin d'Aran e a a auançat qu'eth musèu dera Casa der Haro, dedicat as hèstes deth huec, s'inaugurarà en octobre quan se compliràn 10 ans dera declaracion des hestes deth huec coma patrimoni immateriau dera umanitat pera Unesco. Cortés tanben a parlat deth pressupòst aprovat tà enguan, 1,5 milions d'euros, e a detalhat bères ues des inversions previstes com era milhora des servicis de distribucion e enmagatzematge d'aigua e d'estauvi energetic, e òbres en carrèrs e elements patrimoniaus com era reforma dera tor deth campanau dera Glèisa de Sant Joan Bautista de Les.

Durada: 31 min

Dempús deth 2014 er Institut d'Aran participe ena iniciatiua solidària, "Valors ena escòla", que cerque recorsi tà ajudar en un projècte en Chad, que coordine Gloria Sedes membre dera comunitat missionèra de Nòsta Senhora d'Africa. En 11 ans s'han hèt diferentes accions, prumèr tà coneisher-se es alumnes entot enviar cartes e materiau escolar e enes darrèri ans entot remassar sòs tà ajudar a bastir ua naua escòla.

Durada: 3 min

Eth jòc des paraules d'"Eth maitin d'Aran". Cada setmana ua naua paraula perduda. Es responses, per corrèu electronic o per WhatsApp. El joc de les paraules d'''Eth maitin d'Aran'. Cada setmana una nova paraula perduda. Les respostes, per correu electrònic o per WhatsApp.

Durada: 26 min

Damb "100 minutos", Manel Rocher pren era actualitat dera guèrra de Gaza e entot barrejar ficcion e realitat tà escriuer un libre a on se questione se er atac de Hamàs deth 7 d'octobre de 2023 se hèc damb Israel entot campar entà un aute costat. Ena istòria Rocher place a quate personatges en un platò de television a on participen en un collòqui ath torn d'aguesta question.

Durada: 8 min

Ua reflexion setmanau ath torn dera lengua dera man de Jusèp Loís Sans. Ei 'En Cimalh dera lengua nòsta', un article d'opinion que podetz escotar es dijaus en 'Eth maitin d'Aran' e lieger eth dimenge en diari La Mañana.

Durada: 16 min

Deth 23 ath 25 de mai, Mòra d'Èbre, ena Ribèra d'Èbre, acuelh era 18au edicion de Litterarum, ua hèira professionau que prebotge òbres de quinsevolh disciplina des arts der espectacle basades en tèxtes literaris. Enguan, pèth prumèr còp, aguest hestau a includit er aranés coma lengua cooficiau, amassa damb eth catalan. Ne parlam damb eth sòn director Lluís-Xavier Flores.

Durada: 23 min

Torne era Setmana dera Natura. Enquiath 5 de junh era gent d'Aran pera Natura mos prepausen tot un calendari d'activitats pensades entà apropar-mos, apréner e connectar damb era natura que mos entornege. Talhèr de rastres, Jornades d'anerament d'audèths, Talhèr d'Arrates-caudes e tanben en companhia deth collectiu ADDA bastiran caishes-nin e minjaderes ath laguens deth programa Refugis entara Biodiversitat.

Durada: 2 min

Eth jòc des paraules d'"Eth maitin d'Aran". Cada setmana, ua naua paraula perduda. Es responses, per corrèu electronic o per WhatsApp. El joc de les paraules d'''Eth maitin d'Aran". Cada setmana, una nova paraula perduda. Les respostes, per correu electrònic o per WhatsApp.

Durada: 19 min

Ua iniciatiua privada avalada peth sector otelèr dera Val d'Aran prepause bastir abitatges modulars en Vielha entà lotjar enquia, lèu, 300 trabalhadors. Es terrens qu'a cercat aguesta enterpresa se situen ath cant dera Glèisa de Mijaran e an ua superfícia de 7.000 mètres quarrats. Ara, cerquen inversors.

Durada: 18 min

Un joen músic de Cerdanyola, Pol Orobitg, ven de publicar ua version dera cançon tradicional occitana 'Se Canta' entot guardar-la damb uelhs deth segle XXI. Eth madeish mos a explicat eth perqué d'aguesta version que s'inclodís en sòn prumèr trabalh discografic.

Durada: 15 min

Damb motiu deth Dia Internacionau des Musèus, eth Musèu dera Val d'Aran met en valor era adaptacion d'aguesti espacis enes comunitats, damb naui publics e naues formes de condar es causes. Aguestes activitats an en común era tematica d'enguan enes musèus d'Aran: es viatges. Entre es activitats destaque ua visita guidada a cargue dera Associacion de Discapacitats d'Aran (ADDA).

Durada: 7 min

Ua reflexion setmanau ath torn dera lengua dera man de Jusèp Loís Sans. Ei 'En Cimalh dera lengua nòsta', un article d'opinion que podetz escotar es dijaus en 'Eth maitin d'Aran' e lieger eth dimenge en diari La Mañana.