àudios

Durada: 59 min

Era actualitat dera Val d'Aran en aranés. Vielha acuelh eth Campionat de Catalonha de DH.

Durada: 59 min

Era actualitat dera Val d'Aran en aranés. Aué contunham damb era informacion der inici deth cors escolar e mos centram ena EOI de Lhèida e eth sòn centre delegat de Vielha.

Durada: 1 h

Era actualitat dera Val d'Aran en aranés. Aué centram eth nòste programa en inici de cors ena Val d'Aran. 1.170 inicien eth cors 2026-27 en casa nòsta.

Durada: 1 h

Era actualitat dera Val d'Aran en aranés. Eth sorolh que trauèsse es parets d'un blòc de pisi en Tredòs a acabat ena Audiéncia de Lhèida, que condemne era promotora a corregir-ne er isolament acostic. Garòs daurís era tresau edicion der Aran SBK Festival e Vielha cauhe motors entara sua Hèsta Major. Ath delà, recuperam Sons Occitans entà descorbir era cara mès electrica e contundenta dera musica occitana, damb grops coma Boisson Divine, Familha Artús o CxK.

Durada: 1 h

Era actualitat dera Val d'Aran en aranés. Dera Corsa des 15 Pòbles ara UTMB de Chamonix, damb Marta Cester, e era tornada de Mari Boya ara Fórmula 2 en Monza. Repassam tanben era eliminacion dera UE Bossòst ena Copa de França e es boni resultats des joeni deth RC Cycling Team. Parlam deth trabalh que i a darrèr des resultats esportius e des pròplèus rèptes que ja se premanissen. E barram 'Eth Cimalh de Dòn Quishòt', damb eth sòn darrèr capítol ena votz de Jusèp Loís Sans.

Durada: 1 h

Era actualitat dera Val d'Aran en aranés. Es Pirenèus e era Val d'Aran son un scenari privilegiat entà gaudir dera montanha, mès saber valorar eth risc ei clau ara ora de préner decisions. Ne parlam damb Jordi Ossó, qu'a estudiat era percepcion deth risc enes activitats de montanha, e damb Laia Garcés, psicòloga especialista en accidents ena montanha. Recuperam tanben era convèrsa damb Jordi Gavaldà e Miguel Ángel Peremiquel, «Kankel», dus des pompièrs aranesi que participèren en rescat dera tragèdia deth Balandrau.

Durada: 1 h

Era actualitat dera Val d'Aran en aranés. Quan enguan se complissen 35 ans dera reinstauracion deth Conselh Generau e s'apròpen es dètz ans dera mòrt dera prumèra hemna Síndica d'Aran, M. Pilar Busquet Medan, dera man deth sòn hilh Jusèp M. Boya rebrembam eth sòn papèr ena recuperacion der autogovèrn, ena prumèra Lei d'Aran e ena normalizacion dera lengua, mès tanben es dificultats que trobèc en ua politica fòrça masculinizada.

Durada: 1 h

Era actualitat dera Val d'Aran en aranés. Trabalhs de restauracion ena glèisa de Sant Esteve de Tredòs, an metut ath descorbert un nau conjunt de pentures romaniques. Ara, era EMD vò abilitar er espaci entà hèr-lo visitable. Recuperam eth capitol 20 de Eth hiu der archiu, un procès judiciau entre dus vesins de Bausen, Isabel Puyol que se querelhe contra un trabalhador deth madeish pòble que se ditz Francisco Subinhac. Tanben proposam damb Xavi Gutierrez un nau Mot horaviat.

Durada: 1 h

Era actualitat dera Val d'Aran en aranés. Parlam der eclipsi parciau de Lua qu'auem viscut aguesta maitiada e mos apropamara jornada 'Sciéncia en Aran', damb eth pediatra Pepe Serrano que n'ei eth coordinador. En espòrts, fotbòl damb era UE Bossòst que seguís endeuant ena Copa de França, era Corsa des 15 Pòbles e tanben era actualitat aranesa en UTMB Mont-Blanc. Completam eth programa recuperant un capitol de Sons Occitans, Te vòs maridar, Roseta?.

Durada: 58 min

Era actualitat dera Val d'Aran en aranés. Sies corredors dera Val d'Aran participen aguesta setmana ena gran cita mondiau deth trail en Chamonix.Auem parlat damb Marta Cester. Miquèu Segalas Mir pren eth relèu de Jèp de Montoya ena presidéncia der IEA-AALO. rèptes: actualizar era normativa sense aluenhar-la dera lengua parlada e recuperar era relacion damb eth Conselh Generau. En Cimalh de Dòn Quishòt un nau capitol damb Sancho Pancha que pèrd era paciéncia damb un laurador que non acabe jamès d'explicar eth sòn ahèr.

Durada: 1 h

Era actualitat dera Val d'Aran en aranés. Es òbres ena C-28 entre Baqueira e eth Pòrt dera Bonaigua hèn qu'era circulacion se veigue alterada. De deluns a diuendres, de 8:00 a 13:00 e de 15:00 a 20:00 ores, era carretèra se barre totaument pendent 45 menutes e, dempús, se da pas alternatiu as veïculs pendent 15 menutes. Dehòra d'aguestes franges oràries tanben se circule damb pas alternatiu. Tanben recuperam ua des istòries de superacion que mos a deishat aguesta sason: era de Francesco Marcini, eth joen italo-aranés que seguic damb es entrenaments mentre se tractaue tà superar un linfòma. Dera man der entrenador Roberto Nuñez vò arribar a èster boxejador profesionau.

Durada: 1 h

Era actualitat dera Val d'Aran en aranés. Aué se hé ua naua jornada de donacion de plasma en Palai d'espòrts de Vielha e recuperam era convèrsa damb eth Dr. Juan Manuel Sánchez que Cap deth Banc de Sang e Teishits en Espitau Arnau de Vilanova de Lhèida. Tanben tornam a escotar a Josep Lluís Ginovart ena entrevista damb Sofia Cabanes ena que parlauen d'arquitectura e romanic pes dus volums publicadi dera Istòria d'Aran, laguens deth projècte der IEA-AALO, sus era istòria deth nòste pais e que se pòden consultar en internet ena pagina dera Acadèmia.

Durada: 1 h

Era actualitat dera Val d'Aran en aranés. Aué auem parlat de 'La Montaña', era istòria personau que Montse López a convertit en ficcion. Aguest ei eth prumèr de tres libres. E recuperam un capitol de "Eth hiu der archiu" que mos parle dera relacion des Aunòs des de Joanchiquet, de Vilamòs damb es Capdet, de Bossòst e un caperan, notari public d'aguesta vila que signe es documents damb eth diboïsh d'ua fregata.

Durada: 38 min

Era actualitat dera Val d'Aran en aranés. Er aranés aurà mès pes ara ora de repartir es subvencions deth Conselh Generau d'Aran. Ei ua modificacion deth nau Plan Estrategic de Subvencions, aprovat per unanimitat e damb vigéncia enquia 2029. Aguest siguec un des punts aprovadi en plen extraordinari deth CGA celebrat aguesta setmana. E enes espòrts, era Union Esportiua Bossòst ja ei en marcha en ua naua sason que portarà ara entitat a celebrar eth sòn centenari. Es objectius son ambiciosi, èster ena part nauta dera taula e arribar loenh, qui sap se èster ena finau, dera Copa de Comenges. E recuperaram tanben "Sons occitans" entà resòlver ua curiositat: quin ei eth numèro preferit des cançons e dances occitanes?

Durada: 1 h

Era actualitat dera Val d'Aran en aranés. Aué dusau part dera entrevista damb Joan Carles Riera Socasau que mos presente ua recèrca inedita que met eth focus en ua figura fòrça pòc coneishuda: "La Chica", eth nòm de guèrra de Sonia Malkine. E recuperam era entrevista a Joan Corominas, que parlaue dera sua novèlla 'El Biberon de la Quinta'.

Durada: 1 h

Era actualitat dera Val d'Aran en aranés. Parlam dera Operacion Reconquista d'Espanha e dera entrada des maquis en Bossòst. En octobre se hèc ua recreacion istorica e mesi dempús Joan Carles Riera Socasau hège ua charrada damb eth nòm 'Tres creus e ua hemna' ath torn d'aqueri hèts. Dera sua man e entot profitar er itinerari de memòria pes carrèrs deth pòble, seguim es passes des òmes que protagonizèren era entrada des guerrilhèrs en Bossòst.

Durada: 1 h

Era actualitat dera Val d'Aran en aranés. Lengua Viua ven de plaçar quate naui plafons der itinerari literari "Es Peades de Mossen Jusèp Condó Sambeat", en Bagergue, Canejan, Sant Joan de Toran e Salardú. Recuperam dus capitols de Eth hiu der Archiu un que parle d'ua fotografia dera collecion Antònio Morello Carrera e un aute d'ua carta deth cap der estat major des Guerrilleros dera Reconquista de España qu'apareshie en hons documentau dera Centrau de Cledes.

Durada: 59 min

Era actualitat dera Val d'Aran en aranés. A mòrt Alberto Sola Castel, eth 17 de junh de 1991 siguec un des quate conselhèrs deth terçon de Castièro que preneren possession deth prumèr Conselh Generau reinstaurat. Recuperam era convèrsa damb eth grop 'Teatròlha' d'Es Bòrdes que respresenten 'Eth congelador' en Bausen. E escotam un des capitols de Sons Occitans, eth dedicat ath grop La Talvera que desnishen qui ere Alexandre Viguier, més coneishut coma "Lo Terrible de Penna".

Durada: 1 h

Era actualitat dera Val d'Aran en aranés. Deth prumèr camping de 1986 as bungalows, es aiguats de 2013 e es naui reptes deth torisme de montanha. Eth Verneda celèbre 40 ans damb ua istòria restacada ara Garona, ara familha e as cambis dera Val d'Aran. En un nau capitol de 'Eth cimalh de Dòn Quishòt' auem ath gobernador Sancho Pancha contra eth mètge que non lo deishe minjar.

Durada: 1 h

Era actualitat dera Val d'Aran en aranés. Eth resum dera Montlude skyrace 2026 damb ua nauta participacion e un nau record dera pròva entà Hodei Samaniego, eth prumèr que baishe des 4 ores ena corsa longa. Recuperam era convèrsa ath torn des 15 ans deth projècte Refu de bièra artisanau e rembrembam es aspèctes mes destacadi der eclipsi totau de solei, que serà parciau ena Val d'Aran.

Durada: 1 h

Era actualitat dera Val d'Aran en aranés. Dimèrcles, era Lua caperarà eth Solei en un eclipsi totau que ena Val d'Aran sonque serà deth 99%. Vos expliquam a on e com observar er eclipsi e per qué ei tan important protegir es uelhs.

Durada: 59 min

Era actualitat dera Val d'Aran en aranés. Aran Salut pren mesures contra era calor e installarà aire condicionat enes espacis assistenciaus. Er Arbe des Chuquetes: mès de quinze ans ajudant as mainatges a deishar era chuqueta. Recuperam un des capitols de Eth hiu der Archiu eth titulat "Dus bandits aranesi, un guinhauetament e era cria de mules panades". Tanben resolem eth darrèr Mot horaviat e ne plantejam un de nau restacat ara actualitat.

Durada: 1 h

Era actualitat dera Val d'Aran en aranés. Aué vos parlam dera 3au edicion der hestivau Ohana e tanben dera Montlude Skyrace, qu'arribe ara 5au edicion damb rècord d'inscrits.

Durada: 59 min

Era actualitat dera Val d'Aran en aranés. Parlam dera Setmana Mondiau der Aleitament Mairau.

Durada: 1 h

Era actualitat dera Val d'Aran en aranés. Eth parcatge de Baqueira 1500 serà de pagament. Parlam tanben deth succès d'un projècte entà eliminar espécies invasores des lacs en Pirenèu.

Durada: 1 h

Era actualitat dera Val d'Aran en aranés. Es Pompièrs d'Aran dan per estabilizat er incedi que d'ençà de diuendres cremaue en Tuc de Montpius. Mentretant, contunhe actiu eth huec de Senet. Repassam era actualitat aranesa damb eth darrèr plen en Ajuntament de Vielha e era oposicion deth Conselh e es ajuntaments aranesi ath PLATER.

Durada: 1 h

Era actualitat dera Val d'Aran en aranés. Es Pompièrs d'Aran an trabalhat en dus huecs forestaus en tuc dera Salana e Montpius. Salardú acuelh deth 7 ath 9 d'agost, ua naua edicion de Sons dera Garona, un hèstau que combine musica, teatre, patrimòni e cultura occitana.

Durada: 1 h

Era actualitat dera Val d'Aran en aranés. Aguesta dimenjada arribe era edicion 13 de 'Era nocturna de Vielha' ua propòsta atletica damb opcions entà toti es publics. En Vilamòs duasua edicion dera jornada OVIHUEC que combinarà divulgacion damb charrades d'especialistes dera Universitat de Lleida, der IRTA e dera Associacion Aran pera Natura e hèsta damb un dinar popular elaborat damb anhèths d'OVIHUEC e recuperam eth capitols 31 de "Sons Occitans", "Què opinave Dante Alighieri der occitan?".

Durada: 1 h

Era actualitat dera Val d'Aran en aranés. Vielha impulse un plan entà controlar es colònies de gats de carrèr damb eth metòde CER -captura, esterilizacion e retorn-. Era futbolista aranesa Laura Riquelme aurà de passar peth quiròfan dempús de patir un trincament deth ligament crotzat anterior deth jolh dret. Dempús deth GP d'Ongria, Mari Boya afronte era arturada der ostiu dera Fórmula 2 entot reconéisher que passe per un moment compicat. En vos aufrim un nau capitol deth "Cimalh de Dòn Quishòt".

Durada: 1 h

Era actualitat dera Val d'Aran en aranés. Lengua Viua reclame mès usatge sociau der aranés ena 32au Corsa Aran per sa Lengua e reconeish Sarabat damb eth Prèmi 2026. Recuperam era entrevista damb sarabat entot parlar deth disc "Moria quin sarabat".