Eth maitin d'Aran
Naua oportunitat entà dar sang e plasma ena Val d'Aran
Durada: 20 min
27/07/2026
Aguest dimars, 28 de juriòl, Vielha acuelh ua naua jornada de donacion de sang e plasma organizada pera Associacion de Donants de Sang dera Val d'Aran. En declaracions a Eth maitin d'Aran der ostiu, eth cap deth Banc de Sang e Teishits der Espitau Arnau de Vilanova de Lhèida, Juan Manuel Sánchez, explique qu'entre un 80 e un 90% dera poblacion pòt dar sang se complís tres requisits fòrça simples: auer entre 18 e 70 ans, pesar mès de 50 quilòs e auer bona salut. Totun, assegure qu'era principal barrèra encara ei era pòur e destaque qu'era majoria des que s'animen a hèr era prumèra donacion, acaben convertint-se en donants abituaus.