Santi Arisa i La Tribu presenten eth CD "Aran un pais", en aranés
Atau sòne "Era pòlca piquè", ua cançon popular dera Val d'Aran que era orquèstra de Santi Arisa i La tribu a inclodit en prumèr compact disc comerciau que se hè en aranés. Eth Cd que se presentec ager damb un concèrt en Salardú pòrte per títol Aran un país, e amasse tretze cançons tradicionaus que an estat adaptades as ritmes actuaus.
1 min
Dempús de fòrça ans d'amenisar es hèstes majors de diferenti pobles deth parçan, Santi Arisa com ja ac auie hèt damb es cançons populars catalanes, pensec en hèr un recuelh des cançons araneses que se podessen dançar, mès a ritme de rock, salsa, valsa o ska. Eth trebalh que a estat patrocinat peth Conselh Generau d'Aran a durat mès de sies mesi. Prumèr se hec era recopilacion des letres, dempús s'adaptèren as disparièrs estils musicaus, entà finaument acabar damb er enregistrament deth disc en un estudi de Barcelona. Santi Arisa a volut remercar er esfòrç hèt per toti es components deth grop, entà apréner era correcta prononciacion der aranés. Eth CD serà despartit per toti es establiments de musica de Catalunya e Occitània e en totes es libreries dera Val d'Aran. Es cançons de "Aran un país" tanben formaran part deth repertori des actuacions que hèsque era orquèstra per diferenti punts dera geografia catalana e occitana.
