Eth maitin d'Aran
Eth SAeD consolide era atencion domiciliària en Aran damb ua seishantia d'usatgers
Durada: 24 min
13/03/2026
Er 1 d'abriu de 2022 començaue a caminar en Aran eth Servici d'Atencion en Entorn Domiciliari, coneishut coma SAeD. D'ençà d'alavetz, aguest projècte a balhat atencion non sonque a gent grana, senon tanben a persones damb bèth tipe de discapacitat, familhes monoparentaus o mainatges en risc. Ara que se cumplissen 4 ans der inici d'aguest servici, profitam entà hèr-ne balanç e tanben entà conéisher de prumèra man un des sòns usatgers.