Eth maitin d'Aran
Un relampit aucís lèu 300 oelhès en camin deth Pòrt de Vielha
Durada: 16 min
20/08/2025
Es efèctes d'un relampit auciren deluns ath ser ath torn de 280 oelhes en camin deth Pòrt de Vielha ena boca sud deth tunèl de Vielha. Era fòrta tempèsta damb aparelh electric acompanhada de ploja intensa e peira, afectèc eth tèrme municipau de Vielha e Mijaran e coma conseqüéncia der impacte d'aguest relampit, moriren ath torn de 280 oelhes, d'un ramat de 3000 caps de dus propietaris, que en ostiu peishen en aguest parçan que va deth pòrt de Vielha, enquia Rius e Molières, ena boca sud deth tunèl. Parlam damb un des ramadèrs afectats Jaume Palacin e eth oelhèr que l'ajude Dorinel Udrea. Tanben damb eth conselhèr de Territòri Francés Bruna, qu'acudic ara zòna entà ajudar damb es gestions de retirada des animaus.