15 ans d'aliança entre Aran Salut e eth Espitau deth Mar de Barcelona
En an 2010 eth Conselh Generau d'Aran, a trauès d'Aran Salut iniciaue ua aliança estrategica damb eth Espitau deth Mar de Barcelona.
Ath long d'aguest temps era Val d'Aran a pogut compdar damb servicis sanitaris especializadi, com era oncologia, era traumatologia o era endocrinologia, e damb especialistes de prumèr nivèu que trabalhen amassa damb es professionaus deth sistèma de salut aranés.
Aran-Mar, 15 ans d'aliança estrategica
Reconéisher e arregraïr
Entà hesteja'c s'organizaue ua jornada de trabalh que tanben servic entà reconéisher e arregraïr eth compromís deth Espitau del Mar e des professionaus des dus centres, entà arténher ua milhora dera qualitat des servicis e era atencion as pacients.
Era sala dera Audiovisuau de Vielha acuelhie aguesta jornada que tanben servic tà conéisher com s'a trabalhat en aguest 15 ans e tanben per a on a de passar era collaboracion en un futur.
Entara directora deth Servevi Aranés de Benèster e Salut, SABS, Ma Àngels Borràs
aquesta aliança estrategica a milhorat era accessibilitat des aranesi e araneses ara atencion especializada, a complementat era nòsta aufèrta de servicis e a apropat ath territòri naues especialitats e tractaments. Non la podem deishar pérder
Ath sòn torn eth Director Gerent der Espitau deth Mar, Jaume Raventós, destacaue era importància deth trebalh conjunt entà portar era sua experiéncia as ciutadans e ciutadanes d'Aran. Raventòs higie que aguesta aliança damb Aran, que siguec era prumèra e ath començament non ben vista, les a daurit es pòrtes a collaborar damb d'autes institucions.
Pera sua part era Sindica d'Aran, Maria Vergés, arregraïc era volontat deth Espitau del Mar entà mantier aguesta aliança Aran-Mar pendent aguesti 15 ans entot vantar eth compromís des professionaus d'Aran Salut e deth Parc de Salut Mar, que gràcies ath sòn trabalh en equipa, an permetut auançar ena atencion des persones.
Jornada de trabalh
Ena jornada se presentaue er estudi d'avaloracion der IDIAP, elaborat per Institut Universitari d'Investigacion en Atencion Primària-Jordi Gol. Era dra Eva Cruzado destacaue que mès enlà des donades tan plan bones, aguesta ei ua collaboracion que va mès enlà des consultes. Tara doctora Cruzado, ua aliança que permet bastir eth futur dera sanitat en Aran.
Enes taules redones i participèren especialistes, pacients e familiars, que aportèren es sues experiéncies damb es diuèrsi tractaments e malauties.
Aguesta jornada Aran Mar a servit d'un costat tà hestejar e hèr un reconeishement as profesionaus des dus centres peth sòn trabalh e der aute tà valorar era importància de poder auer ena Val d'Aran uns servicis que d'ua auta manèra, les auriem, mès entot auer de desplaçar-mos dehòra.
Damb aguesta aliança, era persona, eth pacient, se place en centre dera atencion.
