Aran hestege era 31au edicion dera Corsa Aran per sa Lengua

Era Val d'Aran tornèc a víuer eth passat 27 de junhsèga ua naua edicion, era 31au, dera corsa Aran per Sa Lengua.

Organizada peth collectiu Lengua Viua, cada an amasse a persones de toti es parçans deth país entà deféner e hèr visibla era lengua pròpria d'Aran. 

Era jornada comencèc damb es diferentes gessudes de Les, Montgarri, es Banhs de Tredòs e eth Pòrt de Vielha, entà convergir en Vielha, a on era plaça d'Aran acuelheèc era hèsta finau.

Se liurèc eth prèmi ath dessenh dera samarreta commemorativa d'enguan, que siguec tà Maria Puyol e s'autregèc eth Prèmi Lengua Viua a André Ricard, escultor damb arraïtzes araneses en Escunhau, autor dera escultura que presidís era plaça, e tanben autor entre d'autes pèces dera celèbra tèda des Jòcs Olimpics de Barcelona 92. 

Eth collectiu Lengua Viua volec "remercar, un còp mès, eth besonh urgent d'aumentar er emplec sociau der aranés", e reclamèc ua "preséncia reau e efectiva dera lengua ena vida vidanta, tant en espaci public com en privat, a despiet dera sua condicion de lengua veïculara en ensenhament". 

Eth grop occitan Nadau, animèc era serada ena que eth public asistent sautèc e cantèc ath ritme des cançons que ja s'an convertit en un imne.