Aran pera Natura restaure 6 coms entà protegir es anfibis dera Val d'Aran

Aran pera Natura a restaurat 6 coms dera Val d'Aran entà melhorar era conservacion des anfibis. Es coms, que formen part der auviatge tradicionau, son petiti ecosistèmes aquatics fòrça importants entara reproduccion de gargolhes, gripauds, salimanes e tritons. Damb aguesta intervencion s'an reparat estructures, s'an impermeabilizat entà garantir aigua tot er an e s'an installat rampes de gessuda e proteccions entà evitar mortalitat.

Anfibis menaçadi

Es anfibis son un des grops de vertebrats mès menaçadi a nivèu mondiau e era sua conservacion ei fonamentau entà mantier era biodiversitat e era salut des ecosistèmes. Fòrça des coms restauradi presentauen pendents arribentes, superficies planères o parets verticaus qu'impedissen as anfibis tornar entà tèrra, en tot provocar estrès e mortalitat. Era fauta d'aigua, era sequèra e era preséncia de depredadors representen un risc addicionau, en tot augmentar era mortalitat e entot menaçar era viabilitat des poblacions locaus.

Ath delà, s'an installat pannèus informatius sus es diferents tipes de gargolhes, gripauds, salimanes e tritons, entà dar a conéisher es espècies que podem trobar en nòste entorn.

Eth projècte s'a realizat damb eth supòrt de diferenti ajuntaments aranesi e damb financiacion deth Parc Nacionau d'Aigüestòrtes e Estanh de Sant Maurici.

Ara, era Associacion Aran pera natura, a començat a hèr charrades tà cercar supòrts e poder seguir damb eth projècte 'Coms, hònt de Vida'. Sara Arjò, qu'ei membre dera Associacion ditz que vòlen engrescar ara gent tà que collaboren:

Ath delà, era entitat a lançat eth prumèr Atles d'Anfibis dera Val d'Aran Un projècte de sciéncia ciutadana que convide ara poblacion a registrar avistaments a trauès dera aplicacion iNaturalist.