Daniel Cristancho dera Val d'Aran ath Kilimanjaro

En 2024 un joen rider aranés de Bossòst, Daniel Cristancho, s'aucèc a baishar damb era sua bicicleta er Uhuru Peak, qu'ei com se coneish eth cim dera montanha Kibo, en Kilimanjaro e qu'ei eth punt mès naut d'Africa e era montanha independenta mès nauta deth mon, damb 5.895 mètres. 

Sòni hèt realitat

Eth projècte comencèc 6 ans abans ena Val d'Aran mentre enregistrauen ues imatges damb eth camera Jaime Varela Martinpé.

Dempús deth temps, gràcies ath finançament de Blue Banana, eth sòni se convertic en realitat. Acompanhat deth tanben guida de BTT Dani Bosque, e es cineastes Carlos Farrera e Jaime Varela, se metie en marcha eth projècte Uhuru que en suahili vò dider libertat. 

Eth documentau

Eth resultat un trabalh audiovisuau a on se mòstre era arribada en Tanzània, era aproximacion e era pujada ath Kilimanjaro, mès sustot es 26 quilomètres de descens que lo portèren dera nhèu ara sèuva tropicau.

Un projècte que estèc a un pas de non acabar, pr'amor d'ua lesion ena man de Cristancho e eth mau de nautada que afectèc a bona part dera equipa.

Ara, Dani Cristancho ja campe entath futur. Eth següent capítol, superar es 6.000 mètres e dilhèu en America deth sud. Mentre, se recupère d'ua lesion importanta que li impedic de disputar eth Campeonat d'Espanha de descens.