Denoncien un caçaire de Gausac que abatec un poth sauvatge
Agents de Miei Ambient deth Conselh Generau d'Aran an denonciat un caçador de Gausac per aucir un poth sauvatge, ua au protegida e en perilh d'extincion, segontes an informat hònts deth govèrn comarcau aranés. Dimenge passat, es agents intercepteren eth caçaire en un bòsc de Gausac, en terme municipau de Vielha, dempús d'escotar uns trets en un airau a on abituauments viu ua colònia de poths sauvatges. Es agents retireren ath caçaire er arma e era au abatuda.
1 min
Es agents le dauriren eth corresponent expedient administratiu, que implique era imposicion d'ua sancion per ua infraccion fòrça grèu, ja que es poths sauvatges son ua espècie protegida en perilh d'extincion. Enes comarques dera Val d'Aran e eth Pallars Sobirà i viu era colònia mès grana der estat espanhòl.
