Emilio Medan, d'Unitat d'Aran, serà eth diputat aranés ena Diputacion de Lleida
Es resultats des eleccions deth 25 de mai ath delà de modificar era composicion eth Conselh Generau e es ajuntaments, modifiquen tanben era composicion dera Diputacion de Lleida. Atau, eth que a estat diputat enes darrèrs 8 ans per Convergéncia Democratica Aranesa, Victor Leon, aurà de deishar eth cargue, perque enes darrères eleccions, era formacion politica que artenhec mès vòts siguec era coalicion UA-Progrès Municipau-PSC.
1 min
Victor Leon que a format part de diuèrses comissions en dues legislatures valòre fòrça positivament eth sòn pas pera corporacion provinciau. Ena naua legislatura, eth representant aranés serà Emilio Medan, que siguec proposat pera executiva deth sòn partit, Unitat d'Aran. Era naua diputacion se constituira a finaus d'aguest mes.
