Era carniceria Es d'Ordoñez barre dempús de 75 anys de servici en Vielha

Eth passat 18 d'octobre, era carniceria Es d'Ordòñez de Vielha barraue. 

En començar era setmana, era persiana ja non se tornarà a daurir, pramor qu'er actuau propietàri, Jesús Ordoñez Jaquet, se jubile e sense relèu ena familia an decidit barrar definitiuament. 

75 ans de servici

Aguest establiment daurie es pòrtes en 1951 ath cap deth passèg de Vielha e damb eth temps se trasladuen entara actuau plaçament, ena entrada de Vielha. 

An estat 75 ans de servici ath public en aguesta carniceria e peth camin demoren fòrça moments vescudi, com eth traslat entara botiga que en aqueth moment se trobaue dehòra deth pòble, es viatges tà Aragon tà anar a cercar era carn o era dubertura d'un rostidor de polhastres qu'es dimenges hège a paliuar as vesins de Vielha.... 

Son quaques uns des rembrembes que a compartit damb nosati eth senhor Josè Ordoñez, eth sr Pepe, en ua conversa qu'enregistrauem uns dies abans de barrar.

 

Dusau comèrç barrat en pògui mesi

Es d'Ordoñez ei eth dusau establiment que barre en Vielha pògui mesi dempús qu'ac hèsse era Tocineria Casasnovas. 

Era Tocineria Casasnovas daurie es pòrtes en 1968 damb Eugenio Casasnovas e Maria Capdevila ath capdeuant, e quan eri decidiren de plegar, seguic damb eth negòci familiar ua des sues hilhes, Carme Casasnovas Capdevila

Dempús de 57 ans, aguest comèrç a barrat es pòrtes pera jubilacion dera actuau propietària. Ei un adiu definitiu o trobaràn un relèu?.