Eth Freeride World Tour Baqueira Pro 2026: ua cita unica enes Pirenèus

Era Val d'Aran e Baqueira Beret se premanissen tà acuélher era cincau edicion deth Freeride World Tour Baqueira Pro by Movistar. Serà aguest dijaus dia 15 de gèr damb era pròva inaugurau deth circuit ena que serà era soleta que se hèsque enes Pirineus aguesta sason, ath marge deth prumèr mondiau FIS dera istòria que s'harà dies mès tard en Andòrra.

Era montanha

Un an mès, eth Tuc de Bacivèr (2.644 m) demore as milhors especialistes en un escenari ideau entath freeride de màxim nivèu.

Damb un desnivèu de 424 mètres e ua pendenta mejana de 40 grads, eth Bacivèr ei era combinacion perfècta de rèpte e opcions entara creativitat des riders. Eth costat esquèr dera cara presente linhes mès doces e accèssi mès facils, en tot favorir baishades fluides damb mès tendéncia ath freestyle. Per contra, era zòna dreta aufrís un terren mès dret e tecnic, pensat entà méter a pròva as riders mès experimentadi.

Més enlà dera competicion, era cita aranesa ei tot un espectacle que barrege er espòrt, er entorn naturau e er ambient, en que destaque era implicacion deth public locau.

Representacion espanhòla

Era sason 2026, que comence aguest dijaus 15 de gèr ena estacion aranesa, compdarà damb ua destacada representacion espanhòla damb Abel Moga, Maria Castellví (convidada tara pròva) e Núria Castán en tot hèr part dera equipa dera RFEDI.

Era preséncia des 3 riders, met en valor eth creishement deth freeride estatau e eth papèr de Baqueira Beret coma cunhèra e punt de desvolopament d'aguesta disciplina en Espanha.

Era competicion se poderà seguir en dirècte ena web www.freerideworldtour.com/live a compdar des 12:00 de meddia damb aguest orde de gessuda: Snowboard hemnes, Snowboard òmes, Esquí hemnes, Esquí òmes

Puntuacion

En Freeride World Tour (FWT) non se "puntúe" coma en ua corsa cronometrada. Aciu es jutges avaloren cada baishada en tot basar-se en cinc critèris principaus:

• Linha (Line): Era linha qu'escuelh eth o era rider pera montanha. Aciu s'an en compde aspèctes com era dificultat, era creativitat e eth risc deth traçat e tanben com connècte es desparièrs obstacles naturaus.
• Contraròtle (control): Mantier eth contraròtle pendent tota era baishada ei essenciau. Queigudes o pèrtes d'equilibri e materiau rèsten punts. Dominar era velocitat e era lectura deth terren compden fòrça.
• Tecnica (Technique): Era qualitat des torns, er emplec deth terren e era eficiéncia de movements.
• Fluïditat (Fluidity): Com s'estaquen es diferentes parts dera descenuda. Ua baishada continuada e sense arturades o transicions forçades pòt hèr a somar punts.
• Aerians e estil (Air & Style): Ei a dider es sauts, era creativitat e er estil en aire. S'avalore tant era execucion coma era integracion de dieferenti elements.

Era soma des diferenti critèris per part des jutges balhe ua puntuacion entre 0 e 100. Qui mès punts hèsque guanhe.