Eth Govèrn d'Aran demane eth reconeishement dera raça de oelha aranesa
Eth Conselh Generau d'Aran a sollicitat eth reconeishment dera raça de oelha aranesa as administracions catalana e europea, entà garantir eth manteniment dera espécie, e fomentar era ramaderia extensiua. Era administración aranesa està realizant, parallelament, actuacions entà regenerar vielhs prats abandonadi, entà facilitar eth pastoratge des animaus pendent er iuèrn. Eth govèrn aranés a iniciat ua campanha entà protegir era oelha aranesa e entà fomentar era ramaderia estensiua.
1 min
Es mesures de proteccion dera raça de oelha aranesa includissen er establiment der estàndard e era sollicitud de reconeishement, atau coma un seguiment des principaus patologies. Ua auta mesura destacada consistís en incentivar era contractacion de pastors. Ath delà de fomentar era incorporacion des joeni, er objectiu dera mesura ei promòir era agrupacion de diuèrsi propietaris, entà facilitar era gestion des explotacions enes zònes de pastures. Eth Conselh Generau considere prioritàries es mesures de supòrt ara activitat ramadera, iniciades er an 2003. En es dus exercicis, eth Conselh a recebut ua subvencion deth 50% deth còst des actuacions, 62.000 èuros en totau. Es sòs provien des hons sociaus europeus, canalizats a trauèrs deth Pacte Territoriau entara Ocupacion des Terres de Lhèida que posse era Deputacion.
