Mar e Montanha, era codina qu'amasse Aran e Cambrils
Es caps de codina des 6 restaurants aranesi que participen en aguest hestau gastronomic aufrissen es plats elaboradi conjuntament damb 6 chèfs de Cambrils
Jovita Ané - Josep Manel Vera
05/12/2025 - 14.35 Actualitzat 05/12/2025 - 14.38
En ua codina d' un restaurant de Vielha, s'an amassat de forma, excepcionau , es chèfs de 6 restaurants d'Aran , damb 6 chèfs de Cambrils. An premanit es plats entà un menú degustacion que da eth punt de gessuda der Hestau Mar e Montanha.
Aguest eveniment gastronomic impulsat per Torisme Val d'Aran damb era collaboracion deth Patronat de Turisme de Cambrils, auec ua prumèra part en mes d'octobre , en aguesta populacion dera Còsta Daurada, a on se serviren mès de 400 menus.
Ací en Aran, ja sigue com a plat recomanat deth dia , o enes cartes , 6 restaurants aufriran es plats elaboradi e creadi a 4 mans, amassa damb es caps de codina de Cambrils.
Plats que fusionen es productes de montanha e de mar , des que se hèn recèptes ben originaus.
Ues son mès tradicionaus: com eth calamar damb pès de pòrc, que an elaborat amassa, Montse Solà de Casa Turnay d'Escunhau e Arnau Blasco deth Denver de Cambrils
D'autes mès innovadores: com eth moth deth uas de Les, damb gamba blanca de Cambrils, ua creacion deth chèf Xavier Martí deth restaurant Macarrilla de Cambrils e Marc Nus, de Era Coquèla de Vielha
I
O eth canelon de cua de bò damb langostines, que aufrirà Pere Tenllado, de Casa Rufus de Gessa. Ua fusion de carn e marisc que demore qu' age bona acuelhuda entre es sòns clients
Mar e Montanha, definit per organizacion com er hestau a on era codina amasse territòris s'alongarà enquiath 15 de deseme.
Avui és notícia
El ministeri investiga si el brot de pesta porcina africana ha sortit d'un laboratori
S'amplia la prohibició d'accés als espais naturals per la pesta porcina: consulta els 91 municipis
La Comissió Europea desaconsella sacrificar senglars i recomana deixar que el virus actuï
Tres milions de porcs i senglars morts: el viatge de la pesta porcina per la Unió Europea
Senglars: d'estar prop de l'extinció a ser un risc per a l'expansió de la pesta porcina africana