Un miler de persones se dan cita en Vielha en la X Corsa en defensa dera lengua

Era Val d'Aran a celebrat un an mès, e ja en son dètz, era dejà tradicionau corsa en defensa dera lengua aranesa. Era plaça dera glèisa de Vielha siguec eth punt d'amassada des participants vengudi de tota era Val d'Aran. Per prumèr viatge i van participar occitans en aguest acte, qu'amassec un miler de persones en Vielha. Eth prèmi Lengua Viua d'enguan s'a concedit a Frederic Vergés, ua persona que hè fòrça ans que trabalhe ena defensa der aranés. Pendent er acte se presentec era maqueta d'un monument ara lengua e ara cultura araneses, que se vò finançar tamb era aportacion populara.