Vielha invertirà mès de 2 milions d'euros ena milhora de carrèrs
Eth projècte se nomente 'Carrèr a carrèr' e portarà milhores en un quinzeat de carrèrs de Vielha.
Es actuacions, qu'an començat aguesta setmana, s'alongaràn en ua prumèra fasa enquia era arribada der iuèrn.
Es trabalhs se centraràn en engondronat de carrèrs, ena pentura de senhalizacion dera via e era milhora des trepadèrs.
Dus projèctes destacadi
Ua des òbres afècte ath carrèr Comets que se convertirà en ua plaça tà que sigue eth punt trobada des vesins deth solan.
Eth pressupòst ei de 329.396
Ua auta plaça que canviarà ei era deth còto Março, ath cant dera Glèisa de Sant Miquèu, que damb un pressupòst de 349.690 renauirà era sua imatge.
En aguestes dues places, enes que i aurà arbes e flors mès non zònes vèrdes, tanben se perderàn lòcs de parcatge.
En cas des òbres ena carretèra de Gausach, se profitarà tanben tà renauir es canerades de fibrociment.
Eth baile de Vielha Juan Antonio Serrano ditz qu'entén as vesins e vesies pes sòns planhs en aguesti darrèrs ans per estat des carrèrs de Vielha, ei per acrò qu'es òbres que se hen ara, an de servir tà milhorar era seguretat de toti.
