Dus excursionistes francesi morissen acogats per un lauet en Parc Nacionau d'Aiguestòrtes
Dimars, pòc dempús des 10 deth maitin arribaue en elipòrt de Vielha un elicòpterr des pompièrs dera Generalitat damb es 2 prumèrs esquiaires deth corròp de 7 excursionsites francesi que deluns entà meddia sobreviueren a un lauet ena cara nòrd deth Còth de Contraig en Parc Nacionau d'Aiguestòrtes. Enes diferenti viatges de elicòpter sigueren evacuats, ath delà des 7 esquiares, es pompièrs e agents dera unitat especiau de montanha des mòssos d'esquadra que participèren enes trebalhs de rescat e auien passat eth ser en refigi de Ventosa i Calvell damb es muntanhencs francesi e dus esquiares madrilhens que sigueren afectats peth lauet.
1 min
Eth responsable deth Pla Integrat d'Emergéncies de Catalunya, Santi Parés recomanèc prudencia ara ora de hèr gessudes entara montanha e auer en compde tant es previsions meteologiques com eth perilh de lauets, ues condicions que eth deluns quan se produic eth lauet non èren es mès adequades entà practicar er esquí de montanha en airau deth Parc Nacionau d'Aigüestòrtes. Sonque un des esquiaires auec de èster traslladat entar espitau Val d'Aran damb simptomes de congelacion lèu en ua des mans. Un aute des montanhencs siguec acompanhat pes pompièrs enquia eth pònt de Ressèc en Valarties, entà recuelher era furgoneta que les auie portat enquia eth punt de gessuda dera excursion. Es còssi des dus esquiares mòrti, un òme e ua hemna de nacionalitat francesa, de 47 e 54 ans, tanben sigueren traslladats en helicòpter enquia er espitau de Tremp a on se les hec era autopsia. Es dus excusionistes madrilenhs que se traperen tamb eth grop de francesi en lauet sigueren traslladats des deth refugi de Ventosa i Calvell enquiara presa de Cavallers amassa damb d'auti membres des GRAE de Pobla de Segur e des mòssos d'esquadra. Es mossos d'esquadra, an daurit diligéncies informatiues sus eth sinistre que s'adreçaran ath Jutjat de Tremp.
