Era piscifactoria de Les preve véner carn d'esturion en seteme
Era piscifactoria de Les a previst començar a comercializar carn d'esturion mascle criat en es sues installacions a partir deth pròlèu mes de seteme. En ua prumèra fase se vò introdusir eth producte en parçan, tant fresc coma humat, principauments en es restaurants, entà que donguen a conèisher aguesta carn de peish. Entre es plans dera empresa tanben i a era introduccion en rèste de Catalonha, donques era produccion mesuau s'estime que serà d'uns 2.000 quilòs.
1 min
Aguesta piscifactoria tanben trabalhe ena produccion de caviar e preve tréir es prumères partides ath mercat ena primauèra der an que veng. Era installacion, propietat deth grop piscicola Flamicell Verd, demore arribar as 1.500 quilòs de produccion anuau de caviar quan sigue a plen rendiment.
