Comence era Rota Romanica d'Aran, ua iniciativa entà dar a coneisher eth patrimòni aranés
Quinze temples conformen era Rota Romanica d'Aran. Des d'aguesta setmana e enquia eth trenta de seteme tres guides especializades en romanic, ua mès qu'er an passat, s'encarguen de dar a conèisher eth patrimòni artistic aranés. Enguan ei eth tresau an que se mèt en marxa aguesta iniciativa, desvolupada per airau de Patrimòni Culturau deth Conselh Generau d'Aran. Er an passat mès de tretze mil nau centes persones visiteren quauqu'ua des glèises romaniques proposades.
1 min
Toti es maitins, de deluns a dissabte, se pòt hèr era visita as temples d'Escunhau, Bossòst e Gausac. Des de meddia e enquia era ua e mieja son Sant Felix de Vilac, Santa Maria de Cap d'Aran de Tredòs e Sant Estèue de Betren es glèises que dispausen de guida e Arties, Unha e Vilamòs daurissen eth sòn temple pera tarde a toti es que les volguen visitar. Es glèises que formen part dera rota romanica s'an escuelhut seguint es critèris de dimension artistica, representativitat istorica dera glèisa e configuracion territoriau dera Rota, donques entre es objectius dera iniciativa i e eth de portar torisme as petits pòbles aranesi. A diferéncia des dus ans anterior, enguan la Rota Romanica d'Aran a estat activa pendent tot er an a trauèrs dera contractacion telefonica de guides.
