Eth Telenotícies Val d'Aran complís 500 programes
Des deth 21 de deseme de 1990, e puntuament, toti es diuendres a compdar des dues e meddia, eth TN-Val d'Aran a hèt arribar en totes es cases era actualitat informatiua deth parçan. Ath long de 13 ans, 10 des de era delegacion plaçada en Salardú e des de hè 2 ans e miei en Vielha, des de escenaris e platòs diferenti e dera man de diuerses persones, eth telenoticies a seguit era actualitat politica, es òbres, era cultura es esports o es ahèrs sociaus que an mercat era vida vidanta des aranesi.
1 min
Ues noticies que an configurat 500 programes e es prumèrs debats e entrevistes en aranés damb motiu de ues eleccions. Eth telenoticies a estat testimoni de importants ahèrs d'un territòri que en 1991 recuperec es maximes institucions de govern, eth Conselh Generau e eth síndic. Un hèt que a comportat cambis substanciaus en parçan. Cambis que ja formen part dera istòria d'un petit país que auance en sòn autogovern. Ua istòria remassada en lèu 8.000 menutes de programa ena lengua pròpia d'Aran.
