Marc Gomez analize eth nivèu deth freeski enes Jòcs de Milano Cortina 2026

Lèu a punt da barrar es Jòcs Olimpics d'iuèrn de Milano-Cortina, auem analizat damb Marc Gomez ua des modalitats de mès nivèu tecnic, eth Freeski o Freestyle.

Aguesta ei ua disciplina molt tecnica que demane entrenar fòrça, non sonque en iuèrn, entà interiorizar e automatizar es sauts e trucs que dempús hèn ena competicion.

Qué cau saber

Laguens deth freestyle e deth freeski, auem diferentes modalitats

Halfpipe: Competicion que se hè en ua installacion especiau coneishuda com miei tuèu

Slopestyle: Ua baishada per un parc damb sauts e baranes a on se combinen diferenti elements

Big Air: Un saut molt gran a on hèn eth 'truc' mès complèxe

Espòrt molt tecnic

Un espòrt de naut nivèu tecnic, damb ua terminologia fòrça complèxa e damb execucions que pòden arribar a velocitats de mès de 60 quilomètres per ora.

En surf de nhèu, es riders, depenent de com se placen ena taula, dideram que son Regulars, es que van damb eth pè quèr deuant o Goofys que serien era rèsta. Autant en esqui com en surf de nhèu, es atletes trabalhen estrategicament cada ronda entà maximizar puntuacions e sorpréner as jutges, en tot incorporar rotacions e combinacions cada viatge mès dificiles. E ei qu'era competicion internacionau ei cada viatge mès exigenta.

Segons eth tecnic Marc Gomez tot semble una formula matematica: se gesses de cara o d'esquia, s'era virada ei tara dreta o tara quèrra, eth numèro de rotacions en sens verticau e/o orizontau, que pòden arribar a 4 o 5 virades, un 1440 o 1800 e, fin finau, eth grab (quinsevolh part der esquí o dera taula que s'agarre damb era man). Es combinacions son moltes

Situacion actuau e de futur

En contèxt estatau, era manca d'installacions de qualitat —snowparks ben projèctadi, infraestructures entà entrenar en sec, airbags o lhets elastics— limite era progression des joeni talents e met en perilh eth relèu generacionau e era continuitat dera disciplina.

Païsi coma Naua Zelanda, Estats Units o es nacions alpines europèes demòstren que era clau ei ua apòsta decidida per infraestructures e recorsi. De cara ath nau cicle olimpic, era reivindicacion de Marc Gomez ei clara: