Procés de participacion ciutadana en Vielha e Mijaran tà crear naues ordenances
Er Ajuntament de Vielha e Mijaran a iniciat diferenti procèssi de participacion publica damb er objectiu de méter ath dia e, en bèth cas crear de nau, diferentes ordenances publiques.
Aguesti procès participatius vòlen recuélher es aportacions, suggeriments e propòstes dera poblacion, atau coma des entitats, associacions e collectius sus diferenti ahèrs d'interés public. Entath baile de Vielha e Mijaran, Juan Antonio Serrano:
ua airina clau entà garantir ua gestion transparenta, equitativa e adaptada as besonhs dera ciutadania
Era prumèra enquèsta se hèc damb er damb er objectiu d'elaborar eth tèxte deth futur "Reglament d'usatge des equipaments socioculturaus municipaus", qu'a d'establir es critèris d'utilizacion, es nòrmes de foncionament e es condicions d'accès as equipaments socioculturaus deth municipi com son: Era Audiovisuau, era Cabana de Sasplàs, Eth Ressèc, eth Casau deth Jubilat "Sant Miquèu" e eth Centre de Joenessa "Antara".
Ara se demane as vesins deth municipi sus era seguretat viaria damb er objectiu d'elaborar eth tèxte deth futur "Plan Locau de Seguretat Viària de Vielha e Mijaran 2025-2028". Er objectiu ei auançar de cap ara "Vision Zèro", ei a dider era reduccion progressiua des victimes mortaus e grèus. Tanben se cerque milhorar era seguretat de toti es usatgèrs, damb especiau atencion as collectius mès vulnerables.
En aguest marc, s'i intègre eth desplegament deth projècte "Ciutat 30", orientat a pacificar eth transit en encastre urban e escolar e a ordenar es itineraris segurs a pè e en biciclèta.
D'autes enquèstes
Era equipa de govèrn der ajuntament de Vielha e Mijaran ja auançat que tanben se demanarà as vesis sus d'auti ahèrs com era contaminacion acostica, era proteccion, benèster e tenença d'animaus e sus es usatges des equipaments esportius.
