Teleictus en Espitau Val d'Aran: milhora en tractament der ictus

Deuant d'un cas de ictus ei tan plan important actuar pendent era prumèra ora dempús d'auer es prumèri simptòmes. Cada menuta que passe morissen 2 milions de neurones, e se s'actue en aguesta prumèra ora, eth pacient incremente en un 50% era sua melhora foncionau e es possibles seqüèles. 

Es simptòmes d'un ictus son: pèrta de fòrça en un costat deth còs, se mos pòt tòrcer era cara, o auer dificultat en parlar. En aguesti casi cau trucar ath 112. 

Temps = Cervèth

Es Servicis Assistenciaus Integrats d'Aran vien de completar un simulacre deth sistèma Teleictus que permet hèr ua prumèra avaloracion damb eth neurològ. Damb açò se pòden evitar traslats que non siguen de besonh, ath delà d'aufrir ua màger qualitat ena atencion des pacients que pòden èster tractadi en espitau.