Vielha s'afraie tamb era población francesa de Saint-Gaudens

Vielha a oficializat er acte d'afraiament tamb era población francesa de Saint-Gaudens, plaçada a uns 70 quilometres deth caplòc aranés e tamb era quau des d'hè ans a existit ua grana relacion economica e comerciau. Ua des prumères actuacions arran der afraiament serà que er equip de rugby de Saint-Gaudens, un des principaus de França se desplaçarà en noveme a Aran entà hè ua concentracion. Entara primauèra que ven se premanissen ues jornades esportiues en què participaràn es equips de fotbòl de Vielha e de Saint-Gaudens.