Durada: 59 min

Era actualitat dera Val d'Aran en aranés. Eth pilòt aranés Mari Boya debute ena Formula 2 e contunhe de trabalhar tà arribar ena Formula 1. Tanben fotbòl damb era 1a victòria ena liga tara UEBossòst, e esqui damb eth 18au Trofèg Jesus Serra qu'aufrís 15.000€ en bèques d'estudis as esportistes de mens de 25 ans.

Durada: 59 min

Era actualitat dera Val d'Aran en aranés. Eth milhor cinèma de montanha deth mon torne tà Vielha es dies 6 e 7 de març damb era 8au edicion deth Mendi Tour Vielha. Eth Conselh Generau d'Aran organize diuèrsi actes deth 5 ath 8 de març entà commemorar eth Dia Internacionau dera Hemna. Eth cimalh dera lengua nòsta, er article d'opinion de Jusèp Loís Sans "Calerà demanar proteccion ath Tribunau Constitucionau?"

Durada: 1 h

Era actualitat dera Val d'Aran en aranés. Era pentura de sentiments e sensacions der aranés Victor Manuel Rodríguez, "Lolo", arribe aguesta setmana ena hèira Artists Experience de Madrid ena setmana d'ARCO.

Durada: 59 min

Era actualitat dera Val d'Aran en aranés. Es destròsses en refugi de Besibèrri e eth planh dera FEEC que les pòrte a un debat tà veir com se pòden implementar mesures tà que açò non passe. "Me'n condes un de sciéncia"?, eth concors de relats cuerts qu' impulse er Institut de Sciéncies dera Educacion dera UDL en que dues alumnes der Institut d'Aran guanhen eth prumèr prèmi dera XIIau. edicion.

Durada: 1 h

Era actualitat dera Val d'Aran en aranés. Vielha e Mijaran netejarà 3 km deth arriu Garona dempús de recéber era autorizacion dera Confederación Hidrográfica del Ebro (CHE). OVIHUEC encete ua naua etapa, ara entà hèr sostenible eth ramat antiincendis de Vilamòs. Eth capitol 15 d'"Eth hiu der Archiu", eth mot horaviat e un auanç des espòrts damb era presencia aranesa en Mondiau junior d'esqui de hons de Lillehammer.

Durada: 1 h

Era actualitat dera Val d'Aran en aranés. Enquia eth 8 de març en Arber, Alemanha, se dispute eth mondiau junior de biatlon. Ua competicion ena que per prumèr còp auram a un aranés, Biel Gonzalez Fuentes. Parlam d'aguest espòrt damb Carlos Lannes director técnic de biatlon dera RFEDI. Ua uelhada ara resta dera actualitat esportiua e culturau d'Aran damb eth Barbacans de Canejan.

Durada: 1 h

Era actualitat dera Val d'Aran en aranés. Eth Parlament reconeishie ara Val d'Aran com ua administracion singulara, que suposarà, a efectes pràctics, plaçar ath Conselh Generau d'Aran per dessús de quinsevolh auta administració local. Presentam era exposicion fotografica 'Esperits dera Bòrda' de Morma Arrojo que retrate es gats deth pòble de Bossòst. E eth Cimalh dera lengua nòsta, aué ath torn deth dia internacionau dera lengua mairau.

Durada: 1 h

Era actualitat dera Val d'Aran en aranés. Aué parlam deth Casau en linha, un servici gratuït que impulse eth SAED peth que, a trauès dera television, permet seguir activitats en dirècte e sentér-se acompanhades as persones granes que non pòden gésser de casa. Er Espitau Val d'Aran a aquerit ua naua cunhèra termica que incorpòre un reanimador. Un equipament que permet aplicar de forma integrada es prumèri suenhs as repopets acabadi de nèisher.

Durada: 1 h

Era actualitat dera Val d'Aran en aranés. Meritxell Nus e Ares Rafel, dues palhareses restacades pera figura de Palmira Jaquetti. Era prumèra a hèt era novèlla "Torneu-vos cant" (Pagès Editors) e era segona a creat eth compde d'Instagram @palmirajaquetti.

Durada: 59 min

Era actualitat dera Val d'Aran en aranés. Aué parlam des coms coma hònt de vida, un projècte d'Aran pera Natura tà recuperar aguesti elements tradicionaus. Eth capitol 14 d'"Eth hiu der Archiu" e eth mot horaviat.

Durada: 1 h

Era actualitat dera Val d'Aran en aranés. Lèu a punt da barrar es Jòcs Olimpics d'iuèrn de Milano-Cortina auem analizat damb Marc Gomez es modalitats de mès nivèu tecnic des espòrts diuèrn damb esquís o ua taula, eth freeski o freestyle. Tanben, ua uelhada ara rèsta dera actualitat esportiua.

Durada: 1 h

Era actualitat dera Val d'Aran en aranés. Hèm ua uelhada ath sòni frustat de hèr uns jòcs olimpics d'iuèrn en Pirenèu e parlam de teatre, damb Teatròlha, eth nau grop format en Es Bòrdes, que representen un classic deth teatre gascon 'Eth congelador'. E un nau Cimalh dera Lengua Nòsta, 'Milhor ahraga'.

Durada: 1 h

Era actualitat dera Val d'Aran en aranés. Er espaci de coworking impulsat per HèPIC barre eth 2025 damb ua plea ocupacion des sues places entà trabalhadors fixes. Pendent er an, tanben i an passat ua quarantia de persones en estades cuertes. Tanben parlam de 'Los 39, el fuerte navidad' de Jose Luis Muñoz, era novèla ena que s'inspire era serie de época de RTVE que s'a d'estrear enguan.

Durada: 1 h

Era actualitat dera Val d'Aran en aranés. Eth arquitècte, catedràtic e academic Josep Lluís i Ginovart premanís eth dusau, des tres volums sus eth romanic dera Val d'Aran, tara Enciclopèdia istòria, patrimoni e identitat dera Acadèmia Aranesa de la Lengua Occitana.

Durada: 1 h

Era actualitat dera Val d'Aran en aranés. Eth Parlament apròve era tramitacion pera via rapida dera Singularitat dera Val d'Aran. Un nau capitol de 'Eth hiu der Archiu' aué era administracion de justicia en Aran en segle 16. Tanben un nau mot horaviat.

Durada: 1 h

Era actualitat dera Val d'Aran en aranés. Seguiment dera vaga deth professorat ena Val d'Aran a on es docents reclamen baishada de ràtios, mès recorsi e recuperar un 25% deth poder adquisitiu perdut. Ua uelhada ara actualitat esportiua e eth un nau article d'opinion de Jusèp Loís Sans.