Durada: 58 min

Era actualitat dera Val d'Aran en aranés. Eth president deth Comité Olimpic Espanhòl, Alejandro Blanco, s'amassaue damb eth govèrn aranés en Beret entà conéisher eth trabalh que s'amie en país entar impulsar as esportistes joeni de casa nòsta. Blanco tanben mostrèc eth sòn suport ara creacion d'un nau centre d'espòrts d'iuèrn e de montanha ena Val d'Aran. Becadi dus projèctes deth Naut Pirenèu e Aran: un, tà mihlorar eth diagnostic de problèmes de circulacion, e un aute, tà estudiar com se distribuis eth greish en còs damb ecografies. Tanben, un nau article d'"En cimalh dera lengua nòsta".

Durada: 1 h

Era actualitat dera Val d'Aran en aranés. Era enterpresa LivingGreen mos actualize eth projècte tà bastir abitatges prefabricadi en Vielha entà lotjar enquia 300 trabalhadors. Er interés se manten e ara cau assegurar es sòs. E auem parlat damb Miquèu Delaurens, un joen de Bossòst que a participat damb er equip Atlas Lleida ena Copa Campeones, ua naua competicion de basquetbòl inclusiu destinada a persones damb discapacitat intellectuau impulsada pera Fondacion ACB.

Durada: 58 min

Era actualitat dera Val d'Aran en aranés. Ua uelhada ara delegacion espanhòla tàs Jòcs Olimpics d'iuèrn de Milano Cortina damb eth president dera RFEDI, May Peus. Era exposicion itineranta dera Associacion Contra el Cancer "Apropant distàncies, hemna e cancer en mon rurau", que se pòt veir en Vielha. Tanben hèm un resum dera duasu cita deth FWT FIS de Val Thorens damb es resultats des riders Abel Moga e Nuria Castan.

Durada: 1 h

Era actualitat dera Val d'Aran en aranés. Damb risc fòrt 4 en BPA auem hèt deth detalh damb era tecnica deth Centre de lauegi Montse Bacardit. Es donades d'ocupacion e remassada de lordères qu'aufric eth CGA des hèstes de Nadau. Eth capitol 10 de "Er hiu der archiu" e un nau Mot horaviat.

Durada: 1 h

Era actualitat dera Val d'Aran en aranés. Eth campus esportiu dera Fundacion Occident e eth CDIA en Beret entà esportistes damb discapacitat que s'afronten a naui reptes com serie anar entà uns Jòcs d'Iuèrn Paralimpics. Eth mot horaviat e era agenda esportiua dera dimenjada.

Durada: 1 h

Era actualitat dera Val d'Aran en aranés. Aué convèrsa damb eth baile de Vilamòs, Oriol Sala, tà parlar deth projècte OVIHUEC e d'autes actuacions en municipi. Tanben ua uelhada as resultats enes competicions de freeride damb presencia aranesa d'aguesta setmana com son eth Mondiau junior de Kappl e era competcion en Beret deth circuit Qualifier.

Durada: 1 h

Era actualitat dera Val d'Aran en aranés. Es Pompièrs d'Aran barrauen ager eth dispositiu de rescat ena zòna a on dimenge i auec un laueg damb un esquiaire mòrt e escarten que i age ua dusau persona atrapada. Era Fondacion privada Musèu Etnologic dera Val d'Aran ven de renauir era junta. Elisa Ros ei era naua presidenta que pren eth relèu de Ròsa Maria Salgueiro.

Durada: 1 h

Era actualitat dera Val d'Aran en aranés. Es ahèrs d'actualitat damb un esquiare mòrt per un lauèg en Dossau de Beret. Generalitat e Conselh Generau s'amassauen dijaus entà auançar en ahèrs coma era milhora dera C-28 o era cèrca de solars entara construccion d'abitatge sociau. Parlam dera jornada de donacion de sang organizada pera Escòla Sant Ròc de Bossòst e des competicions de freeride. "Eth hiu der Archiu" mos pòrte tara operacion Reconquista de España e ua carta trobada en hons dera centrau de Cledes.

Durada: 1 h

Era actualitat dera Val d'Aran en aranés. Aué, repàs ara actualitat damb era presentacion dera futira lei de montanha, er acòrd entre institucions tà balhar servici d'assisténcia urbanistica a municipis petiti e eth resultat dera pròva inaugurau en Baqueira deth FWT 2026. Tanben, damb Carles Sigüenza, president deth Grèmi d'Hostalaria dera Val d'Aran, auem hèt valoracion des hèstes de Nadau, qu'an estat tan plan bones, e auance que, se se complissen es previsions, Nadau se pòt alongar enquiath mes de març gràcies as resèrves.

Durada: 1 h

Era actualitat dera Val d'Aran en aranés. Eth passat 27 de deseme s'autrejaven es guerdons dera prumèra edicion des prèmis Mossén Jusèp Amiell. Griselda Lozano, ei era presidenta dera Fondacion Ager, era entitat creadora d'aguesta iniciatiua. Parlam tanben des ajudes e bèques as esportistes aranesi que convòque eth CGA e hèm un apunt sus era naua Copa Espanha de freeride entàs joeni.

Durada: 1 h

Era actualitat dera Val d'Aran en aranés. Cinc riders aranesi formaràn part dera seleccion espanhòla, integrada per sèt esportistes, que competiràn en Campeonat deth Món Junior FIS de freeride, que se disputaràn deth 17 ath 23 en Kappl (Àustria). Tanben parlam dera problematica qu'an en Palai de gèu damb era temperatura dera aigua dera piscina, qu'auec de barrar pendent es dies de mès heired.

Durada: 1 h

Era actualitat dera Val d'Aran en aranés. Era sason 2026 deth Freeride World Tour arrinque en Baqueira-Beret, ena Val d'Aran, per cincau còp coma prumèra pròva deth circuit mondiau de freeride. Tres riders espanhòls --Abel Moga, Nuria Castan e Maria Castellví-- i seràn presents.

Durada: 1 h

Era actualitat dera Val d'Aran en aranés. Auem seguit es protèstes des ramadèrs e pagesi que se concentrauen ena Nauta Ribagorça talhan era N-230 e tanben era actualitat esportiua damb un resum dera Sant Silvestre de Bossòst e er auanç dera prumèra cita dera Audi Quattro Cup, era corsa Amics de Montgarri d'esqui aupin tàs categories U10 e U12. Tanben auem parlat damb er esquiador de Vielha Marc Ubeira, que hè part dera equipa C d'esqui aupin ena RFEDI.

Durada: 1 h

Era actualitat dera Val d'Aran en aranés. Ath delà dera actualitat deth dia damb es manifestacions des ramaders e pagesi aué auem tornat a parlar damb era pediatra Immaculada Caubet dempús dera sua jubilacion. Aué auem parlat dera sua aficion ara musica e ara montanha, qu'ara dilhèu poderà desvolopar mès, dera familha e fòrça d'autes causes com er auet des chuquetes, era sua vessant coma cooperant o era defensa dera lengua damb eth collectiu Lengua viua.

Durada: 1 h

Era actualitat dera Val d'Aran en aranés. Era doctora Immaculada Caubet, qu'a estat mès de 40 ans en actiu, ven de jubilar-se. Damb era auem parlat de com e perque decidic de hèr-se mètge e especializar-se en pediatria e tanben de d'autes causes. Tanben hèm un repàs ara actualitat dempús des hèstes de Nadau.

Durada: 1 h

Era actualitat dera Val d'Aran en aranés. Eth darrèr plen deth 2025 en Ajuntament de Naut Aran a estat protagonizat per ahèrs urbanistics e pera polemica damb era mocion d'Aran Amassa de crear un Còdi Etic que remasse era incompatibilitat entà exercir un cargue public s'existís ua condemna per delictes sexuaus. Era actualitat esportiua damb es results deth campeonat d'espanha de patinatge sus gèu e des equipes de fotbòl aranesi.