Jordi Boixeda guanhe era Infinite Race Val d'Aran 2025 damb un nau rècord

Jordi Boixeda Morera, completaue 36 torns entot establir un nau rècord dera pròva. 

Un nau vengut 

Eth joen de 26 ans originari de Sant Juliá de Vilatorta, Osona, ei un nau vengut en mon des Backyard Ultra, mès auèc era fòrça e determinacion tà imposar-se ath canari Emilio José Perez que decidie plegar dempús de 35 ores de competicion e tot just en començar eth darrèr torn. 

Eth corredor catalan completaue es darrèri mètres tà somar 241kms e 8280 mètres de desnivèu, e hège a sonar era esquera que penjaue der arc d'arribada. Eth prèmi entà eth, un lòc entà disputar eth Campeonat deth mon de Backyard UItra per equips en 2026.

Participacion aranesa

Ua tresau part des corrededors e corredores, 39 de 129, èren aranesi. Quique Quintero tornaue a èster eth milhor des nòsti e superaue eth sòn registre dera prumèra edicion, 18 torns, e se retiraue damb 25 de completadi ei a dider 174,2 kms.

Imatges entath rebrembe

Era retransmission en dirècte en canau de youtube a compdat damb mès de 5830 visualizacions.

Es participants an gaudit damb eth paisatge que mos deishaue ues imatges tan plan polides autan de dia com de net.

Era joena equipa d'organizadors format per Martí Alonso Florensa, Victor Fernandez Caubet, Lucia Manero Garcia e Pablo Moreno Ramos, ja pense ena tresau edicion dera Infinite Race Val d'Aran que s'harà es dies 18,19 e 20 de seteme de 2026