Mateo Arias ordenat diague ena glèisa de Sant Miquèu de Vielha

Era glèisa de Sant Miquèu de Vielha acuelhie eth dimenge 19 de juriòl, era ordenacion diaconau de Mateo Arias, un joen, 32 ans, originari de Medellín que des de hè ans se forme ena Diocèsi d'Urgèl e qu'a escuelhut era Val d'Aran entà començar eth sòn ministèri. Pògui dies dempús dera celebracion, eth nau diaca a visitat 'Eth maitin d'Aran der ostiu', a on a compartit es emocions d'aguest pas decisiu, a explicat eth significat dera ordenacion e a avançat qu'era sua volontat ei èster un caperan fòrça pròplèu ara gent, damb ua atencion especiau as joeni e ara vida des pòbles. Ath delà, a manifestat eth sòn desir d'apréner aranés e d'integrar-se encara mès ena realitat dera Val d'Aran.

Un nau camin de servici

Mateo Arias explique que era ordenacion diaconau a estat eth moment mès emocionant deth sòn camin vocacionau. Dempús d'ans de formacion, considère qu'a arribat eth moment de començar a exercir aquerò entà çò que s'a preparat.

Mateo Arias explique qu'eth sacrament der orde se dividís en tres grads: eth diaconat, qu'ei çò qu'a recebut ara; eth presbiterat, qu'ei era ordenacion sacerdotau que recebrà laguens d'uns mesi; e er episcopat, reservat as bisbes. Esclarís tanben qu'eth sòn diaconat ei de transicion e que, per tant, se premanís entà arribar a èster caperan.

Eth nau diague assegure tanben que non imagine eth sòn ministèri limitat ara celebracion dera missa:

Integrar-se ena Val d'Aran

Mossén Mateo Arias, qu'auèc ues paraules tà Mossén Jusèp Amiell a qui coneishèc en ua prumèra estada en Aran, a explicat qu'a començat a estudiar aranés e qu'a era volontat de contunhar aprenent era lengua deth país. Ditz qu'enten ja fòrça converses e anime era gent a parlar-li en aranés entà poder integrar-se encara mès ena comunitat e utilizar era lengua enes celebracions religioses.