Morís un excursionista en ua zòna rocosa en circ de Saboredo

Un excursionista s'aucic aguest dimèrcles ena tarde en precipitar-se dempús d'ua zòna rocosa en circ de Saboredo.

Tot indique qu'er òme, de nacionalitat polonesa, hège era rota solet, entre es refugis de Saboredo e Colomèrs e que s'aurie precipitat accidentauments en ua zòna escarpada e de dificil accès. Siguec aguest dimèrcles ena tarde quan un aute excursionista, en passar pera madeisha zòna, vedec un còs entre es arròques e dèc er avís ath 112.

Enquiath lòc s'i desplacèc un elicoptèr des Pompièrs d'Aran e dus membres deth grop de rescat de montanha. Maugrat tot, quan localizèren era victima ja non poderen hèr arren entà sauvar-li era vida.

Ara seguida s'activèc eth procediment de mòrt judiciau e era custòdia deth còrs passèc a mans des Mossos d'Esquadra.