Bòxa olimpica , er espòrt que creish en Aran
En un nau centre esportiu que recentament a daurit es sues pòrtes en Betren ( Vielha e Mijaran ), s'an amassat es membres deth club de Bòxa Aran, de diferentes edats e nivèus entà hèr ua jornada d'entrenament conjunt. Roberto Nuñez, n'ei eth director tecnic,
Pòt practicar quinsevolha persona a despiet dera sua edat, e deth sòn estat fisic. Tostemp se separen per nivèus e en foncion de com auancen se meten en un grop o en un aute
Entàs mès petiti, sustot es mès nerviosi e inquiets, dedicar-se ad aguest espòrt , les servís tà tranquilizar-se , com explique, Lea Perailes: "En èster tant nerviosa, se vies d'un dia dificil o que t'as enfadat damb quauquarrés, ei bon, pelejar, tà desfogar-se ben"
E a despiet de çò que pogue semblar , autant es entrenadors com es practicants desmentissen qu'era bòxa sigue un espòrt dangerós e violent. Çò de mès important ei , que damb era practica d'aguest espòrt s'aprenen valors.
Eth punt fòrt dera bòxa son es valors personaus: esperit de sacrifici, de superacion, e tanben era relacion entre companhs. Eth respècte autant enes edats infantils com enes adults ei çò de mès important.
I a mès violéncia en d'auti espòrts, com eth ei cas deth fótbol, qu' ena bòxa...
Hèr bòxa, tanpòc ei sinonim d'entrenar-se entà hèr combats. De hèt era major part des practicants no ac an com objectiu.
Non se fòrce ad arrés entà hèr combats, mès i a persones que vien, descorbissen er entrenament foncionau de nauta intensitat que a era bòxa, e a compdar d'aquiu ac viuen de manèra intensa, e s'enganchen
E com ditz er entrenador , a viatges "enganche" , e n'i a bèth un que somie arribar a èster professionau d'aguest espòrt.
Ei eth cas de Francesco Marcini, que descorbi'c era bòxa per edart. Un espòrt que li ajudèc fòrça quan se recuperaue d'un càncer. Era sua aficion e constància l'a portat a guanhar eth subcampionat de Catalunya de debutants.
Ara se premanís enta participar en d'autes competicions en categories superiores
M'estongui premanint entà hèr un camp d'entrenament en Uzbekistan, e se ges, poder participar en campionat d'Espanha de clubs
Ath delà dera sedença de Vielha eth Club de bòxa Aran n' a dues mès, en Bossòst e Naut Aran, enes que s'impartís formacion a mès de un centenat de persones , e e era aficion va en aument.
