Enregistren dues osses damb tres cadèths cadua peth prumèr còp en Pirenèu
Era entitat animalista Depana, en collaboracion damb eth Conselh Generau d'Aran, a enregistrat ues imatges inedites en Pirenèu, dues osses damb tres cadèths cadua, ua situacion jamès vista enquiath moment en casa nòsta.
Eth seguiment des dues familhes d'ossi, ueit exemplars en totau, se hec ena Val d'Aran aguesta primauera, entre es mesi de mai e junh. Es imatges an permetut documentar entre d'autes causes, aspèctes importants dera sua biologia, coma es sues abitudes d'alimentacion, es interaccions entre era mair e es cries e eth comportament damb d'autes espècies.
Ua des osserades siguec monitorada ath long de 28 dies seguidi, periòde en qué eth grop perdec un des cadèths per causes desconeishudes. Segontes Depana, era mòrt dera cria poirie auer estat per un procès de seleccion naturau, per malautia o per accident, o tanben que l'auesse aucit un mascle.
Trobalha inedita: dues osserades damb 3 cadèths cadua
En çò que tanh ar auta familha, per contra, siguec localizada en cinc escadences ena Val d'Aran.
En aguest periòde de temps, Depana e eth Conselh Generau captèren imatges d'ua dotzena d'exemplars en totau.
Segons es darrères donades dera Generalitat, que se heren publiques en mes de març, en Pirenèu i a identificadi 108 ossi, 54 des quaus en Catalonha.
